意樂餐廳 (囍逸)

营业中

休息中

今次嚟到粉岭嘅呢一间意乐，听闻系咁多间怡乐入面最好食嘅一间。今次嚟到嘅时间系下午茶时间，唔系咁肚饿嘅大前提下，点左一个西多士同埋意粉。粗粒花生酱厚西多士配英伦糖浆 $28首先西多士方面，我个人觉得算系高水准嘅一个西多士，因为系一尘咁厚嘅西多士，能够炸到佢外脆内软的确唔系咁容易。而且佢炸嘅时间刚刚好，爽快有咬口，配上牛油，花生酱加埋糖浆，就成为绝配。香草鲜野菌忌廉天使面 $37个人觉得天使面配白汁系一个唔错嘅配搭，但嘅汁就比较稀，较清淡。素食者岩哂，又唔会怕食完滞。冻饮 +$3佢嘅冻柠茶既柠檬系已经事前处理咗，变成柠檬汁先冲杯，令我哋饮起上嚟时唔会因为笃柠檬嘅残渣而阻碍到我哋饮呢一杯冻柠茶，整体感觉，都算系好唔错。