牛站(駅)麻辣火鍋放題

营业中

休息中

再访呢间分店，第一时间食个卤肉饭，依然好味但略嫌多左肥肉，所以可以食少啲转战返其他熟食同火锅。火锅料、前菜、蔬菜、肉、熟食、饮品、甜品夹埋几百款，调味料又多，黎亲食都觉得加埋酒水放题好爽。今次清清地叫左蕃茄猪骨汤底，汤头渗哂入蕃茄同埋粟米，几好味。烧乳鸽依然保持酒楼水准嘅，芝麻鸡翼又要再次encore，太香太惹味，次次都食埋鸡翼尖。海鲜类嘅大头虾、帆立贝最回本，帆立贝今次进步左，大粒同好鲜味，脆肉鲩、螺片如常水准。丸类多，最特别系粒丸咬开好似食左粟米汤咁。蔬菜最正都系冰菜、紫色旺菜同清甜冬瓜。前菜我最钟意食肉香惹味嘅台湾香肠、小龙虾同爽口嘅麻辣鱼皮。甜品有häagen-dazs雪糕、Movenpick、中西糕点；美国极黑和牛srf、美国肩胛肉、美国安格斯牛板键、黑豚肉，算嫩口，抵食。