大邊爐火鍋店

营业中

休息中

位于九龙城嘅「大边炉」系一间有二十年历史嘅老字号火锅。呢度每晚九点之后入座，仲可以享有半价优惠，好抵！我今次同朋友一行四人去食，拣咗鸳鸯锅：沙嗲、冬瓜瑶柱，沙嗲就正正常常，但估唔到冬瓜瑶柱汤入面有咁多瑶柱，好足料！呢度火锅配料都算多选择，我哋点咗以下：⭐油麦菜 ⭐日本鸟冬 ⭐脆香腐皮⭐自制墨鱼滑 ⭐陕西马尾牛⭐三宝丸（牛丸、猪肉丸、墨鱼丸）⭐炸鱼皮⭐鸡脾姑 ⭐安格斯肥牛（大）⭐西班牙黑毛猪呢度嘅肥牛、墨鱼滑同黑毛猪特别好食。安格斯肥牛几嫩，脂肪唔算太多，牛味几浓。墨鱼滑口感弹牙，好好味。至于西班牙黑毛猪，入汤炖煮之后非常鲜美，食落好滋味。呢度唔止食物好味，环境都好舒适，系一个值得同一大班朋友去打边炉嘅好地方。