影片
更多
2020-06-20
59 浏览
今日有远征入咗屯门返工 收工时见到呢间食点心嘅舖头 门口个设计都几有特色 所以就拉咗我同事同我入去食埋晚餐先返屋企喇😺点心嘅数量唔算太少 款式都几啱我嘅口味 其实有好多样嘢都想试㗎 不过个胃就唔系咁大喇 嗌咗几样推介点心😛家乡咸水角 咸水角炸到脆卜卜 但系唔会油林林 层皮都唔算好厚 咬落口都几烟韧🙊鲍鱼烧卖皇 平时饮茶比较少见 所以就即刻带咗嚟食 鲍鱼咬落口一啲都唔韧 烧卖就啖啖都食到虾肉 食完都几满足🐷鲜虾腐皮卷 呢个系我好钟意食嘅点心之一 🦐 虽然望落去佢嘅腐皮唔算太厚 但系全层都炸得好松脆 而且里面个馅都算足料灌汤小笼包 呢碟就比较难夹到 由于小笼包放咗喺锡纸碟仔上面 一用力夹起 就好容易穿咗流晒啲汤出嚟 味道都okay嘅 不过一夹就穿有啲唔开心啰😫黑金流沙包 外表就够晒高贵 食落都好唔错㗎🤤 流沙唔会太甜 又够晒流心 好推介大家食呢个👍🏻北菇滑鸡饭 鸡嘅份量铺满饭面 鸡肉唔会好鞋 系一个好足份量嘅盅头饭🤓 另外豉油会喺枱上提供 可以自行调校豉油嘅份量 啱晒钟意唔太咸嘅我😂整体嚟讲 呢间餐厅嘅食物都几有水准 下次又入嚟屯门开会 可能都会再返兜😗
今日有远征入咗屯门返工 收工时见到呢间食点心嘅舖头 门口个设计都几有特色 所以就拉咗我同事同我入去食埋晚餐先返屋企喇😺
点心嘅数量唔算太少 款式都几啱我嘅口味 其实有好多样嘢都想试㗎 不过个胃就唔系咁大喇 嗌咗几样推介点心😛
家乡咸水角 咸水角炸到脆卜卜 但系唔会油林林 层皮都唔算好厚 咬落口都几烟韧🙊
鲍鱼烧卖皇 平时饮茶比较少见 所以就即刻带咗嚟食 鲍鱼咬落口一啲都唔韧 烧卖就啖啖都食到虾肉 食完都几满足🐷
鲜虾腐皮卷 呢个系我好钟意食嘅点心之一 🦐 虽然望落去佢嘅腐皮唔算太厚 但系全层都炸得好松脆 而且里面个馅都算足料
灌汤小笼包 呢碟就比较难夹到 由于小笼包放咗喺锡纸碟仔上面 一用力夹起 就好容易穿咗流晒啲汤出嚟 味道都okay嘅 不过一夹就穿有啲唔开心啰😫
黑金流沙包 外表就够晒高贵 食落都好唔错㗎🤤 流沙唔会太甜 又够晒流心 好推介大家食呢个👍🏻
北菇滑鸡饭 鸡嘅份量铺满饭面 鸡肉唔会好鞋 系一个好足份量嘅盅头饭🤓 另外豉油会喺枱上提供 可以自行调校豉油嘅份量 啱晒钟意唔太咸嘅我😂
整体嚟讲 呢间餐厅嘅食物都几有水准 下次又入嚟屯门开会 可能都会再返兜😗
张贴
