沾仔記麵食

营业中

休息中

今日星期五，收工想食地道美食，刚好人又系佐敦，所以就决定去沾仔记面食，呢间餐厅属于怀旧风，一路食一路有满满嘅童年回忆，讲到咁，野食当然高质好食啦！我不嬲都劲钟意食鲮鱼球，而呢间正正有超多鲮鱼球，首先我要咗个云吞牛肉鲮鱼肉河，汤底好清，牛肉系用咗鲜牛肉，云吞超大只，虾肉好扎实，而重点就系鲮鱼肉超级无敌大粒，虽然只得两粒，但系真材实料，超级结实。朋友就要咗碗云吞牛肉鲮鱼肉面，佢都话好好食，当然啦，嚟得呢啲地方梗系要加一碟油菜㗎啦，啲菜好新鲜，加埋蚝油真系有屋企嘅味道。其实本身已经好饱，但系走之前都要叫多一样蚬蚧鲮鱼肉，呢只系有炸过嘅，点埋蚬蚧又系另一番风味。