Schnee German Restaurant (已結業)

正宗徳国风味-唔知喱度有无徳国菜嘅fans呢😎？一提起徳国菜就一定会谂起猪手、香肠同酸菜，近期司令就食左间味道好正宗，水准都几唔错嘅。-Roast Nurnberg sausage ($88)香肠外皮烤到微焦，未入放口都已经feel到好香。肠肉唔会好肥，咬落好juicy，单独咁食可能会有少许太咸，不过伴埋碟上嘅酸菜、酸瓜同薯仔一齐食就岩岩好。-Favourite crisp roast pork knuckle with sauerkraut ($198)食德国菜紧系要叫猪手啦。猪手外皮烧到金黄香脆，用叉吉落去会脆到有卜卜声😂，咬落真系好香口。加少许芥末，好简单嘅调味已经好好味。-Traditional seafood paella ($238)炒饭用左好多海鲜黎一齐煮，有扇贝、大蚬、青口同大虾，意大利米嘅口感比平时食嘅饭硬身，配上大量香草，味道几特别，同埋好鲜甜，而且份量都几多，几个朋友share都够食。