大宅

营业中

休息中

年底朋友聚餐，提议去试新嘢，见到铜锣湾问月酒店入面开咗间新中菜，所以大家一齐去试吓。餐厅地方唔大，但系好精致，中式装修，同间酒店一样，都几有特色。一入去吧枱背后已经有一酲酲嘅酒，再有个木架放晒啲香料同食材，应该都系一间着重用料嘅餐厅。个菜牌有啲家常𩠌，传统𩠌，都有海味宴客菜。选择都几吸引。一定要讲吓个前菜，🐟苔菜白饭鱼! 真系好耐冇食过苔菜炸鱼，呢度居然有，仲要系白饭鱼！我哋叫咗碟鲍鱼好惹味，火侯啱啱好，好软弹。佢哋个招牌系浓油赤酱烟熏鸡，上菜𠮶吓啲香味已经扑上嚟，大家都即刻开动，够香入味，鸡肉嫩滑👍🏻。见而家仲有蛇羹同腊味糯米饭，都试咗，两样都好足料好味👍🏻甜品一定要叫个大煎堆，好有仪式感，圆满。整体食物👍🏻 价钱合理，环境舒适，同屋企人都啱食，下次会再嚟。