影片
港鐵銅鑼灣站 C 出口, 步行約6分鐘
继续阅读
电话号码
56958863
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
以上资料只供参考，请与餐厅确认详情
相关文章
今日同屋企人去咗銅鑼灣一間酒店入面嘅高級中餐廳食團年飯，真係好有氣氛！間餐廳裝修好高檔，燈光柔和，枱枱凳凳都好有質感，坐得舒服，仲有啲古典音樂做背景，感覺好有格調。服務員態度又好，成個環境真係好適合一家人聚埋一齊食飯。首先上枱嘅係 **江西豆腐**，豆腐好滑，外脆內軟，入口即化，配上啲金沙白飯魚，鹹香得嚟又唔會太搶味，好開胃！跟住就係 **大宅佛跳墻**，嘩！真係足料到爆！魚翅、海參、鮑魚、鵪鶉蛋、花膠樣樣齊，湯底濃郁得嚟又唔會太膩，每一啖都係精華，食完覺得自己補晒！**蟹黃銀針燴玉帶** 都好正，帶子煎得外脆內嫩，蟹黃魚翅嘅味道好濃郁，帶子嘅鮮味同蟹黃嘅香氣完美結合，食到停唔到口。**20年古月龍山花雕蛋蒸虎蝦球** 呢道菜真係好特別，花雕酒嘅香氣好突出，虎蝦球好彈牙，蒸蛋滑溜溜，酒香同蝦鮮味互相襯托，好有層次。**拔絲咕嚕肉** 就係經典中嘅經典，外皮脆脆哋，酸甜汁調得啱啱好，肉質嫩滑，拔絲效果做得好好，拉絲嗰下真係好過癮！**香煎一夜鮮麒麟魚，立鱗燒** 呢道菜好考功夫，魚皮煎得脆卜卜，魚肉依然保持嫩滑，立鱗燒嘅效果令到魚皮更加香脆，食落去口感好豐富。最後嘅 **蝦子花膠濃雞湯** 真係好暖胃，湯底濃郁，花膠滑溜，蝦子嘅鮮味完全融入湯入面，拌菜苗同手工拉麵都好入味，食完覺得好滿足。甜品係 **芋茸燉鮮奶**，芋茸香滑，鮮奶燉得剛剛好，唔會太甜，食完一餐豐富嘅團年飯之後，呢個甜品真係完美收尾。
继续阅读
今日帶媽媽食晚飯老人家都係比較喜好中餐揀咗呢間新開「大宅」😆餐廳其實係問月酒店入面銅鑼灣站落車行8-10分鐘都尚算方便入面地方唔算大 但都包括晒有包廂大枱細枱都有 座位係超級舒服闊落值得一讚職員Paul服務超專業笑容滿面有禮貌久唔久仲會過嚟為我哋介紹菜式✨玄米桂花茶呢個係Paul介紹我哋飲嘅茶桂花十分清香 玄米茶淳 十分夾 值得叫✨江西豆腐金沙白飯魚 先食江西豆腐 外層酥脆 入面豆腐超熱超滑金沙白飯魚充滿咸蛋香 好濃味所以要先食豆腐再食白飯魚✨大宅佛跳牆呢個係招牌菜佛跳牆除咗用料要好靚之外煲到黏口濃郁先叫合格呢到嘅佛跳牆絕對合格以上！食完抹嘴張紙巾都痴住個嘴😂✨蟹黃銀針燴玉帶個名好靚 帶子厚肉 面有輕輕煎過蟹肉都唔少 個汁好味 阿媽話想撈飯哈哈✨20年古月龍山花雕蛋蒸虎蝦球一上嚟已經聞到濃濃嘅花雕酒香但食落酒味並唔重 反而係香襯到蛋香味 原來個蛋先係主角😆✨拔絲咕嚕球酸甜嘅咕嚕球係呢個餐入面最濃味嘅但個人略嫌拔嘅絲唔夠多😆✨ 香煎一夜鮮麒麟魚煎麒麟魚唔係到到有得食 多數都係蒸呢到係煎完加葱油 煎完嘅皮係十分香脆呢個好好味 家母都大讚✨蝦子花膠濃雞湯 拌菜苗 手工拉麵見到個花膠就知靚料手工拉麵亦好煙韌食咗呢個已經好飽 但係我哋都食晒😂✨芋茸燉鮮奶飯後甜品貫徹佢哋呢個餐嘅作風樸實無華 不作花巧但係真材實料 味道絕不敷衍成餐飯食完係滿足同充實冇過多嘅打卡色水嘢但食物質素絕對係高分食嘅過程包括服務都係舒服呢個食物質素同服務每人只需$800不到係物超所值
继续阅读
🥢江西豆腐.金沙白飯魚作為前菜，真係冇得輸，白飯魚呢一個鹹蛋黃嘅配搭真係第一次食，而且做得非常香，食落去亦都唔會好滯！豆腐亦都好滑！鍾意食嘅朋友不能夠錯過🥢大宅佛跳牆，呢一個係餐廳推介嘅，果然冇推介錯，味道非常濃郁，而且一打開就見到有好多珍貴嘅食材，包括有鮑魚花膠海參乾貝，成個湯嘅味道非常濃郁，而且每一啖都可以食到山珍海味，個湯吸收晒所有嘅精華真係非常好食，而且佢嘅份量都唔細，食完啲嘢都非常飽！🥢蟹黃銀針燴玉帶，餐廳用咗手拆嘅蟹粉再整咗一個汁，配上乾煎嘅帶子，帶子嘅口感非常好，中間係半熟嘅狀態我哋都覺得非常靚仔而且咬落去嘅時候亦都識到帶子本身嘅鮮甜味，絕對唔會有過火嘅情況出現，再加埋蟹黃嘅配搭，簡直就係正！🥢20 年古月龍山花雕蛋蒸虎蝦球，花雕打呢一個配搭係我第一次食，但係冇諗過佢嘅質素都非常好，佢嘅酒精味道唔會太過濃烈，整體配搭我都覺得唔錯，加埋新鮮嘅蝦球，正！🥢拔絲咕嚕肉，咕嚕肉用咗三色椒同埋洋蔥，成個口感非常多元化而且咕嚕肉嘅味道非常好食，肥瘦得宜，亦都非常有鑊氣，所以我同朋友都非常鍾意食呢一個咕嚕肉！🥢香煎—夜鮮麒麟魚，呢一個好似日本嘅甲麟燒，魚嘅味道非常新鮮，而且咬落去嘅時候亦都非常口肉整體嘅賣相非常靚仔，我同朋友都忍唔住即刻拎電話出嚟打卡！🥢芋茸燉鮮奶，芋頭燉鮮奶都係第一次食，不過原來真係幾好佢兩個配搭我哋都覺得做得唔錯！餐廳整體嘅質素都非常高，下次會再返嚟幫襯，而且而家仲係新店有優惠真係非常抵食！
继续阅读
雖然喺灣仔區嘅餐廳好多但如果喺一啲重要嘅工作場合要宴客或者想同一啲重要嘅人食一餐有水準嘅飯拎得出手嘅餐廳雖然都有但impress到人嘅我會覺得係呢一間嘞雖然話呢間係新餐廳但菜式嘅精緻程度同埋服務嘅質素都完全係可以用老練唻形容茶我好隨便咁揀咗香片但上枱嘅春毫香片比平時飲開嘅香好多 感覺比一般嘅香片輕盈醇和 比一般香片 冇嗰份澀味 有少少回甘✦ 江西豆腐配金沙白飯魚 呢兩款前菜都係俾你試到個味係開胃、口感係香脆，但唔會令你有飽感，亮點係咸蛋黃鹹香、白飯魚酥脆✦ 大宅佛跳牆 呢款都算係經典嘅中式傳統高級菜式，靚嘅鮑參翅肚瑤柱冬菇鵪鶉蛋只係肉眼可以見到嘅食材，背後燉煮高湯嘅食材仲有一大堆，所有呢啲貴價食材，經過嘅繁複嘅處理，濃縮到一個細細嘅燉盅，長時間控制住火候嘅燉煮，可以睇得出嘅係，廚師對火候同時間做咗好精準嘅控制，神奇嘅地方係，咁多唔同嘅食材擺埋一齊，都唔會有任何一款過老，湯嘅濃郁，係唻自食材嘅味道而唔係調味料，真係每一啖都係精華。食落去冇誇張，真係會有啲感激嘅feel。✦ 蟹黃銀針燴玉帶 上一道菜係深藏不露嘅功架嘢，呢道就係霸氣外露型，蟹黃同大大粒刺身級嘅帶子，賣相光鮮亮麗。一上枱已經好香，口感係湯羹嘅口感，加上吸收咗湯汁嘅銀針粉，鮮味但唔會軟爛，又係一種恰到好處。✦ 20年古月龍山花雕蛋蒸虎蝦球 蒸蛋冇人未食過，但係可以令到蒸蛋變成一款高級菜式，就係心思同功架。我冇懷疑過個蒸蛋會有幾嫩，虎蝦會有幾大隻彈牙。個心思位係花雕，本身蒸蛋火候係最大難度，我諗落花雕蒸，應該係另一個難度。用靚花雕蒸蛋原來係咁，甜啦，醇啦，另一個層次嘅香。簡單但又好難忘記嘅味道。✦ 拔絲咕嚕肉 間間酒樓都有嘅菜式，但都係要搵啲位impress人，掛汁得唻流暢，酸酸甜甜，外脆內香，呢啲基本。菠蘿甜之餘肉質嫩，落馬蹄有畫龍點睛feel，個清爽感即刻攞返個平衡，每樣都切到一口size，人客食嘢時候都仲可以保持優雅，好細心。✦ 香煎一夜鮮麒麟魚 第一次食麒麟魚，最特別係佢魚鱗燙到企身，之前淨係食日式omakase時見過相似處理，魚鱗脆，但魚肉仍然係鮮嫩。✦ 蝦子花膠濃雞湯拌菜苗手工拉麵 真係好明白點解每道菜都要好精緻咁一道一道上，因為淨係聞佢地嘅香氣嘅一刻已經開始享用緊呢道菜，你絕對唔會想幾道菜嘅香氣混埋一齊。提到呢度，真係要講，時間控制又係老練。完全睇唔出係新餐廳。呢道菜香味應該係最搶嘅一道，代表佢個雞湯真係濃郁，配蝦子又係一個心思操作，未食到呢到菜已經知，麵一定彈牙，花膠一定靚料厚身，但值錢地方係配搭，蝦子提升鮮味真係一絕，菜苗個刀工又係細緻，唔認真睇會以為佢係麵嘅一部分，但同時佢又令整體清新解膩咗。✦ 芋茸燉鮮奶綿密、順滑、香，我諗睇到呢度對廚師對火候嘅控制冇懷疑。其實我覺得呢款甜品係廚師好有信心先會咁出，因為食材係常見食材，但佢作為一款甜品，即係佢上枱係壓軸出場，食完咁多山珍海味之後廚師覺得你仍然會試佢呢款芋茸燉鮮奶，要加啲色水嘢令佢個名好聽，或者令佢好似好豐富、賣相好靚，其實好容易，但廚師就係知冇需要，知less is more，夠膽就咁叫芋茸燉鮮奶，咁你明呢款甜品有幾勁。
继续阅读
🥢江西豆腐- 金沙白飯魚。這道菜的豆腐滑嫩，搭配金沙醬汁，味道濃郁而不油膩。白飯魚則鮮香可口，魚肉細膩，與豆腐的口感形成了完美的對比。整體味道層次分明，讓人一口接著一口，味道真係唔錯！🥢大宅佛跳牆，這道菜是福建菜系的經典代表。湯底熬煮得十分醇厚，加入上等金華火腿，使得整碗湯香氣四溢。裡面的食材如南非乾鮑魚，每一口都是奢華的享受，讓人回味無窮。🥢蟹黃銀針燴玉帶。蟹黃的鮮香與玉帶的滑嫩相互融合，形成了絕佳的搭配。每一口都能感受到蟹肉的鮮甜，加上銀針麵的Q彈口感，使整道菜更加豐富，是一道極具創意的美味。🥢20年古月龍山花雕蛋蒸虎蝦球。這道菜以其獨特的蒸製技術展現了食材的原汁原味。虎蝦球鮮嫩多汁，搭配花雕酒蒸製而成的蛋液，香氣撲鼻，讓人垂涎欲滴。每一口都是對味蕾的極致挑逗。🥢拔絲咕嚕肉。這道菜外酥內嫩，咕嚕肉裹著香甜的糖漿，每一口都充滿了幸福感。甜度適中，不會過於膩口，非常適合搭配白飯享用，是一道讓人懷念的經典佳餚。🥢香𥳀一夜鮮麒麟魚。這道菜以其獨特的調味和烹調方式著稱，魚肉鮮嫩，外皮酥脆，每一口都散發著海洋的清新味道。搭配特製醬汁，更是讓人食指大動，是一道不可錯過的美味。🥢蝦子花膠濃雞湯- 拌菜苗：手工拉麵。湯底熬製至濃郁醇厚，蝦子的鮮甜與花膠的彈性完美結合。手工拉麵則吸收了湯汁，使得每一口都充滿了濃郁風味。而拌菜苗則為整體增添了一絲清爽感，是一道非常平衡且美味的主菜。🥢芋茸燉鮮奶作為甜品。這道甜品以其細膩滑順而聞名，芋茸香甜可口，而鮮奶則增添了奶香味，使得整體口感更加豐富。每一口都是對心靈的一種慰藉，是結束這頓美餐最完美的選擇。
继续阅读