村爺爺龍蝦湯.泡飯.燉湯專家

营业中

休息中

以前喺附近返工，成日都会嚟村爷爷食饭，因为佢嘅龙虾汤底好浓郁，超级惹味，不过食埋今次之后，以后应该都唔会再食。一去到，见到人都有少少多，于是就叫外卖拎去朋友屋企食，我问姐姐可唔可以叫外卖，佢完全冇理我，我以为自己太细声，于是乎再问多次，都系唔理，我行到佢面前再问，佢先话佢忙紧，但系明明佢只系企喺度望门口。。。等咗20分钟，终于拎到个外卖。返到去一打开，见到稀到一个点嘅汤，已经心感不妙，饮落去剩系得非常少嘅龙虾味，同以前比完全系两回事。我仲叫咗啲小食，牛腩干过瘦肉，其他还好嘅，不过佢主打嘅龙虾汤已经大不如前，服务员嘅态度又好似唔忧做咁样，冇咩必要都唔会再去食。