点心代表 (已結業)

今日要帮手凑姪女，特别带佢去 Dim sum icon 朝圣一下，可能比较早唔使排队就有位，我点左笑哈哈蛋黄流沙包/青芥一囗堡/彩色虾饺/鲜虾肠粉/水晶白虾饺/奶皇流沙包/原粒带子烧卖，点心等左成半个钟先到，应该系即叫即蒸，点心来到姪女好开心，每款点心整得好靓好得意，睇见都开心，笑哈哈流沙包黄色既包面划上眼咀图案，侍应姐姐细心提点包热怕小朋友烫到咀，而且教我地一个有趣食包方法，先用牙签拮包上公仔个咀，用手㩒下个包，的流沙就系个包咀吐来，得意有趣。一口堡既份量一囗应该咬唔晒，而且包有的冻唔够热，彩色虾饺有4粒饺皮有粉红同粉蓝色，水晶虾饺有3粒饺皮印有little twins star样，两款虾饺热辣辣皮薄馅靓，啖啖鲜虾肉又弹牙，肠粉面都印twins star 公仔，有大大粒原只虾，肠粉皮有啲烟韧，奶皇流沙包有3个，包面松软印有公仔，奶皇味重又甜又香滑，最后个带子烧卖我觉得最好食，烧卖有3粒，带子面都印有公仔图案，带子鲜甜烧卖啖啖肉，最后叹柸玫瑰普洱茶非常满足，通常的得意野都好睇唔好食，呢间绝对有惊喜。