大榮華酒樓

营业中

休息中

第一次食大荣华，可能听得大荣华好食太耐太多，期望过多，有啲失望。梅子蒸乌头 - 梅子酱唔知系咪自制，感觉同平时啲唔同，颜色红啲，甜啲，反而少咗酸味，无平时嘅梅子酱好食，乌头又无黄油，唔够靓，但大条。芥菜排骨煲 - 芥菜同排骨都唔靓，芥菜少少老，排骨唔滑，排骨我食咗一粒就无食。花胶鹅掌煲 - 呢个价钱有花胶食系唔错，虽然唔系好靓，但都好黏口。鹅掌未够淋，冬菇入味。整体ok。猪油捞饭 - 系几香。一盅饭，再俾一支豉油一支猪油你自己捞，感觉新鲜。三𩠌、一白饭、两支大啤，埋单三百几，大大份，价钱算ok，味道就差少少。可能下次试下其他𩠌，睇下会唔会其他好食啲。