叉燒丼家

营业中

休息中

今日同朋友嚟到新蒲岗觅食，见到呢间舖头做紧优惠，午餐半价，而且又有下午茶，望落又似坐得几舒服，于是就入去试吓。呢度最出名嘅菜式就系叉烧，一场嚟到就梗系要试试佢。我哋叫咗一碗细肥叉煎蛋饭，虽然是下午茶，但系都几足料大碗。先讲煎蛋，的确煎得唔错，煎到边缘带啲焦脆，蛋黄保留了蛋汁。将蛋汁连埋葱油捞饭一齐食简直系一流嘅享受。跟住到重头戏嘅叉烧，肥叉肥瘦相间，口感一流，而且香味十足。唯一略嫌叉烧嘅叉烧汁唔够，其他都冇得挑剔。我哋另外叫咗佢嘅半价午餐嘅黑椒牛扒煎蛋饭，碟饭一上枱，我同朋友都吓亲，因为真系好大碟。煎蛋同上面讲过嘅一样，我唔再重复。牛扒方面， size都几大块，不过就略嫌用得太多松肉粉，冇晒牛肉味。饭嘅侧边有啲沙律菜做半碟，美观又好味。黑椒汁嘅表现就冇乜特别惊喜，唔够香浓。嘢饮方面，热奶茶够晒大杯，不过就略嫌唔够奶，茶味偏浓。另外我哋嗌左杯热华田，表现反而不错，味道够浓，够足料。整体而言，餐厅嘅食物质素都唔错，份量真系超级大份，趁佢而家做紧优惠，真系值得嚟试一试。