茶舍 (北帝街)

营业中

休息中

有时想简简单单食一餐，茶餐厅绝对系老公嘅心水，贪佢够大份，而且选择又较多，最重要嘅系佢嘅香港风情真系买少见少。今日嚟到土瓜湾呢一间大有少少西式fusion嘅茶记菠萝鲜茄芝士焗猪扒饭茶餐厅嘅焗饭真系世一，大大块猪扒，鲜茄味道好足够，酸酸甜甜，底部嘅饭更加系炒饭底添，搅拌嘅时候仲有少少拉丝效果。吉列猪扒咖喱滑蛋包饭滑蛋旋风式地盖上饭面，食落好香滑，猪扒炸得好香脆，衬上港式咖喱更别有一番风味。夜晚可以升级套餐，加$28就有餐汤、沙律同埋蛋糕。餐厅固定嘅龙虾餐汤水准都唔错，味道香㶶，另外套餐只系需要加$18就有一杯鲜草莓沙冰特饮！饮落去非常有果香，碎冰好幼细，而普通热饮就免费嘅！最后嘅甜品，中规中矩，个人比较喜欢朱古力味。