影片
更多
2024-08-05
250 浏览
好耐未食过港式“据扒”啦，今日兴之所致，同朋友食个晏，据个扒，怀缅下以前嘅时光先。餐厅好近太子地铁站，行几分钟就到。餐厅唔算大，午餐时段已经好多人，望一望餐牌，原来午餐好抵食，餐汤餐包饮品再加个主菜都系$60-70，唔怪之得咁多人啦。红白餐汤加餐包餐包软熟，唔错。红汤有杂菜料，味道较淡。主菜紧系要拣好耐无听过嘅“咋咋”怀旧铁板餐啦。随住铁板餐上枱，待应拎住2个壶，分别系黑椒汁同烧汁，一淋上铁板，咋咋声作响，好香呀。铁板肉眼牛扒拼猪扒2块扒都大大块，肉眼软稔，猪扒都唔差，以为会比较嚡口，估唔到都唔会，而且有肉汁。铁板西冷牛扒呢块西冷比刚才嘅肉眼更大块，更厚身，拣左7成熟啱啱好，中间少少红，肉质软稔，而且无筋，好正。波浪薯条都有唔少，热辣辣。饮品拣左红豆冰，啱哂咁热嘅天气呀。餐厅上菜速度够快，而且份量十足，铁板餐嘅回忆真系返哂黎呀！
餐厅好近太子地铁站，行几分钟就到。餐厅唔算大，午餐时段已经好多人，望一望餐牌，原来午餐好抵食，餐汤餐包饮品再加个主菜都系$60-70，唔怪之得咁多人啦。
红白餐汤加餐包
餐包软熟，唔错。红汤有杂菜料，味道较淡。
主菜紧系要拣好耐无听过嘅“咋咋”怀旧铁板餐啦。随住铁板餐上枱，待应拎住2个壶，分别系黑椒汁同烧汁，一淋上铁板，咋咋声作响，好香呀。
铁板肉眼牛扒拼猪扒
2块扒都大大块，肉眼软稔，猪扒都唔差，以为会比较嚡口，估唔到都唔会，而且有肉汁。
铁板西冷牛扒
呢块西冷比刚才嘅肉眼更大块，更厚身，拣左7成熟啱啱好，中间少少红，肉质软稔，而且无筋，好正。波浪薯条都有唔少，热辣辣。
饮品拣左红豆冰，啱哂咁热嘅天气呀。
餐厅上菜速度够快，而且份量十足，铁板餐嘅回忆真系返哂黎呀！
张贴
