再來一煲 (好順景大廈1座)

营业中

休息中

周末八点几喺元朗揾嘢食，大部份想食嘅餐厅都冇位，路过见到呢间鸡煲有位同埋openrice 几多好评就入去试吓，一入去就真系中大伏。首先我唔否认佢鸡煲嘅味道系OK嘅，唔难食，如果入去净系叫鸡煲，我觉得价钱都叫系可以接受嘅，但佢啲配菜就真系贵到离谱，份量极少，最疯狂系佢嘅本地手切牛，$198 得劲少，切得又唔靓，仲要系tempo纸巾未打开𠮶个size,我先不比较大陆牛肉火锅呢个份量只系卖紧¥30-40，我就算去香港啲街市度买本地手切牛入货，都绝对唔会卖呢个价钱，真系食水太深，如果唔系食水深建议换一换供应商，其他食物就冇咩特别，但都系好贵，唔值呢个价钱啰，未试过食鸡煲食完之后都唔饱，印象中茶介好似都唔平，个人嚟讲就绝对唔会再帮衬，重点系朋友食完第二日又屙又呕🤮🤮🤮今次就当买个教训，真系智商税。