糖宮甜品專門店 (積信街)

营业中

休息中

糖宫甜品专门店今次要介绍大围一间甜品店叫「糖宫甜品专门店」，呢间甜品店会有两只猫店长，果晚我食紧糖水期间，发现隔离有一只黑色猫仔，佢坐住我隔离圆枱嘅黑色凳，最初无留意到有只黑色猫仔，后来越来越多人摸佢，先知道佢喺张櫈度！呢间大围分店入面唔算大，虽然带咗斜板，但一见到门口有张长枱，索性喺门口食甜品好过，果晚又唔算好热，凉凉地坐喺门口唔错呀！1.椰皇炖蛋白（+$10花生，芝麻汤圆）$70（8.5/10）店员介绍椰皇炖蛋白比我食，影哂全部相呢个椰皇炖蛋白都系好鬼热，早知道拣冻食，讲真都几滑，椰香同奶香都好重，我仲加咗$10要花生同芝麻汤圆，有2粒花生汤圆同1粒芝麻汤圆，汤圆皮薄馅都几多，几好食！2.榴梿雪花冰（+10榴梿雪糕）$70（9.5/10）呢个榴梿雪糕好啱榴梿控食，榴梿蓉都比较多，除咗面上有雪花冰同薄脆，其实下面仲有水晶凉粉同小丸子，我仲加咗$10要一球榴梿雪糕，榴梿味劲香浓，榴梿控必叫之选之一！3.朱古力心太软伴雪糕（曲奇雪糕+云呢拿雪糕）$62（9/10）呢个朱古力心太软伴雪糕真心好抵，朱古力心太软入面有少少热，流出嚟朱古力熔岩虽然唔多，但系成个朱古力心太软唔会好甜，朱古力似70