台北倆伴

营业中

休息中

台北俩伴❣️睇完戏咁啱系下午茶时间，又咁啱见到呢间台湾餐厅。门口见到Menu都几吸引，好多选择。于是乎就入左来。呢度下午茶餐款式好多，有饭有面，如果唔想食太饱仲可以食小食🤭🌟大肠面线拼淡水焢肉刈包🍜面线和汤的比例刚刚好，浓稠适中。面线之间有金针菇🍄带有少少爽脆口感。大肠软熟得来又唔会太韧。加埋醋入口感觉非常台式口味。🍞刈包馅料充足，有酸菜、芫荽、大大嚿五花肉🐷饼皮松软，五花腩超软腍，入口就融化咗。有酸菜打底，唔会觉得好腻。🌟红烧牛肉面拼古早卤肉饭🍜牛肉面汤底鲜甜，牛腩炆煮到超级软腍，一咬就开🐮面质十分弹牙，非常挂汤，加上无限添加的酸菜，令人食欲大增。🍚卤肉饭珍珠米软熟，粒粒分明。上面明显见到一粒粒肉丁，肥瘦均匀，入口即溶，脂味十足。卤肉汁咸度适中。配合珍珠米食非常可口。🫕得一提系流心蛋同埋肉松，绝对系点缀之作。系Bonus！令到成个卤肉饭变得好出色。🌟逢甲肉松榨菜蛋饼🥞蛋饼皮好薄，馅料超级丰富。每一啖都食到满满的肉松榨菜。又有微甜的酱汁，令到蛋饼不会太柴，又有咸香味，非常滋味。🌟爱文芒起司奶盖芒果味好天然，有爱文芒𠮶种独特香味。估唔到同起司奶盖都好夹。