發哥粥底海鮮火鍋 (已結業)

友人突然好想打边炉，跟佢嚟到大围呢边食粥底火锅。我哋点咗龙虾餐，侍应好快就先送上两款开胃凉菜同埋一壶竹蔗水。竹蔗水饮落唔算好甜，几健康。炖汤有成五、六款汤料好足料，饮落味道清甜滋润。新鲜鲍鱼煮几分钟就食得，肉质好结实，咬落弹牙好好味。主角龙虾好新鲜仲有少少虾膏，虾肉爽口弹牙唔错。多宝鱼肉质比较淋，好滑溜。蛏子虽然熟咗卷埋一旧但其实好多肉，食落鲜甜，爽口弹牙。贵妃蚌肉质丰满实净，食落韧韧地有口感。海虾够新鲜弹牙。安格斯牛肩肉油脂分布均匀，食落牛味好重。火锅配料好多选择，各款味道都合格有余。最后食埋个海鲜粥，每啖吸收咗海鲜嘅甜味，味道天然。