泓・西日料理

营业中

休息中

大围其实有好多好嘢食，唔知有大商场仲有好多小店舖头好值得大家去食。今次我就走咗去大围嘅一个小巷位置有间好有气氛嘅居酒屋居酒屋其实面积都细有两层嘅位置，楼上位置仲有得唱K搞私人派对就啱晒啦～而嘢食嚟讲，佢嘅质素都好唔错，好啱同朋友约埋一齐喺度食饭倾偈。🌟土佐豆腐呢个豆腐非常之特别，佢嘅外皮系非常之酥脆，炸得好香口，再加上佢嘅汁同埋配料，令到成个口感好丰富。🌟盐烧牛舌葱串烧而佢嘅串烧都好出色，当初我最钟意一定系佢嘅牛舌。佢嘅牛舌非常之烟靭，而且调味好出色，一咬落去唔会好硬，反而好有口感，加埋佢嘅调味令到串烧滋味十足。🌟盐烧鸡皮串烧 鸡皮串烧我都系好钟意食，虽然非常之肥🤣但系最正一定系食鸡皮嘅油脂,将鸡皮烧过，令佢嘅油脂逼出嚟，调味唔需要太丰富，但烧得一定要好有技巧，呢个我都满足！🌟杂锦天妇罗天妇罗嘅份量好多，有三只虾，同埋不同蔬菜。佢炸得恰到好处，唔会太厚粉，但又食落好酥脆！🌟鳗鱼炒饭最尾我仲叫咗佢嘅炒饭，呢个鳗鱼炒饭味道好好，而且当中仲有好多旧鳗鱼喺里面。食得出嗒嗒既滋味