泓・西日料理

营业中

休息中

今日同朋友系大围食日本野，呢到环境几好，位置都好方便。鲭鱼剌身鲭鱼食落冇鱼腥味，脂质含量适中，鲜滑可口，入口之后，鱼油味道更突出!海胆吞拿鱼腩蓉反卷上枱时都有D惊喜，吞拿鱼腩蓉既份量好多! 吞拿鱼蓉入口即溶，好好食。中间既海胆都好新鲜，食落系鲜甜，唔会苦，呢个真系一啖满足。日式炒杂菜有多款菜类，调味适中，唔觉唔觉都食晒! 鸡翼串烧烧得唔干身，咬落去鸡翼仍然系肉嫩多汁，而且原先少少盐既调味已经好足够! 烧鸡皮比起一般既烧鸡皮，呢到更加有厚度同埋嚼劲，脆得黎又有肉汁。牛肉乌冬牛肉份量都好多，牛肉唔系全熟，保持肉质嫩滑，汤底带少少甜味，配搭乌冬好食!