影片
更多
2024-10-03
739 浏览
2024年9月23日 星期一今晚放工之后系大围附近行咗一阵，顺便等老婆收工一齐食饭行经过积福街竟然见到有一间居酒屋应该系开张左冇几耐，虽然位置唔算太显眼，但装修得几有风格，感觉好似日本嘅传统居酒屋咁，一于俾个机会佢试吓里面既食物系点坐低咗再慢慢睇返餐牌，发现同一般嘅居酒屋冇太大分别，反而系价钱比较平，可能因为地区嘅关系，而且食物选择都几多，除咗寿司同卷物，仲有串烧同定食，由于花多眼乱唔知拣咩好，最后询问咗店员嘅意见，拣咗几个菜式等咗一阵食物就开始陆续送到，首先有秋刀鱼刺身，切得好薄，睇得出师傅嘅刀工，食落去有咬口，夹埋葱同姜蓉一齐食就完全食唔到腥味，反而有少少辣劲，食落几开胃之后有海胆吞拿鱼腩蓉卷，每件卷物上面放咗劲多吞拿鱼腩蓉，一啖根本食唔晒，口感好丰富，除咗食到新鲜嘅吞拿鱼腩之外，卷物里面都有包住海胆，充满海水味，再加上卷物嘅醋饭比较酸，所以食完都唔会觉得太腻，份量两个人食就啱啱好跟住有小食炸鸡，每嚿炸鸡嘅份量都几大，外皮炸得好香脆，里面既鸡肉仍然保持嫩滑，唔会觉得好韧，点埋酱汁一齐食会冇咁油腻最后仲有日式煲仔饭，里面放成个鱼头同鱼肉一齐煲，之前从来未试过呢一款煲仔饭，十分创新，啲
今晚放工之后系大围附近行咗一阵，顺便等老婆收工一齐食饭
行经过积福街竟然见到有一间居酒屋应该系开张左冇几耐，虽然位置唔算太显眼，但装修得几有风格，感觉好似日本嘅传统居酒屋咁，一于俾个机会佢试吓里面既食物系点
坐低咗再慢慢睇返餐牌，发现同一般嘅居酒屋冇太大分别，反而系价钱比较平，可能因为地区嘅关系，而且食物选择都几多，除咗寿司同卷物，仲有串烧同定食，由于花多眼乱唔知拣咩好，最后询问咗店员嘅意见，拣咗几个菜式
等咗一阵食物就开始陆续送到，首先有秋刀鱼刺身，切得好薄，睇得出师傅嘅刀工，食落去有咬口，夹埋葱同姜蓉一齐食就完全食唔到腥味，反而有少少辣劲，食落几开胃
之后有海胆吞拿鱼腩蓉卷，每件卷物上面放咗劲多吞拿鱼腩蓉，一啖根本食唔晒，口感好丰富，除咗食到新鲜嘅吞拿鱼腩之外，卷物里面都有包住海胆，充满海水味，再加上卷物嘅醋饭比较酸，所以食完都唔会觉得太腻，份量两个人食就啱啱好
跟住有小食炸鸡，每嚿炸鸡嘅份量都几大，外皮炸得好香脆，里面既鸡肉仍然保持嫩滑，唔会觉得好韧，点埋酱汁一齐食会冇咁油腻
最后仲有日式煲仔饭，里面放成个鱼头同鱼肉一齐煲，之前从来未试过呢一款煲仔饭，十分创新，啲饭吸收晒鱼汁，唔需要加豉油都已经好够味，而且鱼肉好嫩滑，特别系面珠墩添
食完之后真系已经饱晒!!!
张贴
