睿海御宴 (已結業)

之前黎食过午市点心，觉得唔错，所以揾左个夜晚再黎试下晚饭。五香鸡卷 $108福建菜既一道传统特色小吃，外层用腐皮包住猪肉同蔬菜馅料，卷成圆条状，再放入油锅炸热。口感外脆内爽，配埋酸辣酱，完全唔觉腻。正宗家乡蚝烙 $188同平时食开既潮式蚝饼有啲分别，蚝饼有大量既葱，蚝仔大只饱满，份量都几大，多人分享会比较好，配埋酱汁同萝白丝一齐食会无咁油腻。青柠焗肉排 $198外层酸酸甜甜，好开胃，肉排厚肉，用焗既方法肉质比较嫩同多汁。最后仲送左红豆沙俾我地，红豆入口软腍，味道清甜带有陈皮香。