Aló Restobar

营业中

休息中

今次去咗大坑𠮶间西餐厅食饭，真系一个好正嘅体验！首先讲吓佢哋嘅食物，每样都做得好精致，味道又好，环境亦都好有型，约朋友庆生一定冇失礼！Char-Grilled Octopus炭烧八爪鱼。佢嘅八爪鱼烤得啱啱好，外层微焦香脆，内里却保持咗肉质嘅弹牙和鲜味，搭配佢哋特制嘅酱汁，好适合做开胃菜。Bone Marrow & Beef Tartare，即系骨髓配生牛肉他他，呢个绝对系重口味爱好者嘅天堂。骨髓焗到出油，香浓滑溜，再加上面嘅少少芝士，配上新鲜嘅生牛肉碎，味道层次丰富，冻冻地他他，加暖笠笠嘅包，上面再加啲牛骨髓，好食都唔知点形容！Spanish Red Prawn Bucatini西班牙红虾意粉，‼️记得记得要将啲虾膏捞埋啲意粉先食‼️你系会完全感受到𠮶只虾有几香，加埋意粉煮得啱啱好，又挂汁！每一啖都令人回味无穷。Apple Crumble，职员送到上枱嘅时候，仲系热到出烟㗎!!! 苹果馅甜而不腻，酥脆嘅外皮，再配返一啖雪糕，成件事好有层次，无论口感同温度非常有对比。