洪記餃子雲吞糖水

营业中

休息中

是日早收工，经过见到呢间外卖店排晒队，原来系糖水店，一于买黎试下有咩咁特别。除咗糖水，餐厅亦有粢饭、饺子及炸小食卖，系等外卖时亦见到不断有客人帮衬，虽然店舖唔大，但等候时间都唔太长。即包粢饭 :粢饭成只手掌咁大，打开后超足料，差唔多爆馅咁滞，糯米烟烟韧韧，包住肉松、榨菜及油炸鬼，榨菜咸香爽脆，加上微甜嘅肉松，整体味道好夹。粟米煎饺 :即叫即煎热辣辣，外皮煎到脆卜卜，内馅好足料，食落好多肉汁，粟米嘅甜味令人食欲大增，一份有十件，两个人share刚刚好。多芒杨枝甘露 :天气热最适合食芒果，大大粒够晒鲜甜，配上微酸嘅西柚，消暑一流，芋圆令杨枝甘露更有饱腹感。综合芋圆烧仙草 :有芋圆、红豆、仙草、西米及珍珠，配埋椰汁底，完全满足晒我嘅愿望，食落味道唔太甜，芋圆烟韧、珍珠Q弹、加上滑溜嘅仙草，有齐唔同口感，真系大满足。