振興肉丸

营业中

休息中

一间舖头可以屹立超过半个世纪，一定有佢嘅原因。振兴在九龙城寨起家，70年代进驻大埔，我由佢以前铺位是工场，啲姨姨要经过条走廊先拎到货品比客人，帮衬到而家门面变得美丽堂皇，行过路过都要扫翻啲返屋企傍身。今次又买咗佢哋嘅皇牌，牛骨浓汁牛丸，牛味非常浓郁，应该将浓牛骨汤精华混入去牛肉里面，香滑弹牙。呢个牛丸真系喺坊间好难揾得到。松露小笼包，用大热的黑松露皮包住猪肉碎馅，渗出淡淡的黑松露味。姜汁皮蛋贡丸，猪肉丸包含住里面嘅姜汁皮蛋，有趣的配搭，好似食皮蛋酥。芥末沙律球，又几特别㖞，外皮系鱼肉跟住里面有芥末龙虾沙律酱内馅，有爆浆感。全部放入大滚水煮，跟住渌埋个菜同米粉，方便快捷搞掂一顿晚餐。