振興肉丸

营业中

休息中

🤍🖤🍢【 振興肉丸 】🍢🖤🤍⋄ —————⧫♟⧫————— ⋄1967年創立，55年老字號🥢超過50款不同肉丸口味選擇，100%原肉打造，每日香港工場新鮮製作，原汁原味！☺️堅持採用上乘原肉材料，無添加防腐劑、人造色素及香精，品質保證，健康之選！👍🏻⋄┄ ┄ ┄ ┄ ❖ ┄ ┄ ┄ ┄ ⋄🥟五香肉丁餃子 (8粒) 🐽椒麻豬肉丸 (6粒)⋄┄ ┄ ┄ ┄ ❖ ┄ ┄ ┄ ┄ ⋄📍地址：大埔鄉事會街47號地下

大埔馳名香港製造的新鮮肉丸店。 店內選擇多，有不同種類的產品（如魚蛋、魚片、餃子魚角、醬汁）和肉丸的口味多款式。 今次試了健康豬肉丸（椒麻味），肉丸彈牙新鮮，麻辣味濃。 愛吃餃子的我，從未試過五香肉丁味，一於買返屋企煮下。皮薄餡靚，肉汁豐富，香辣味濃，非常惹味，煮麵食一流。 最重要係材料用上天然的原材料，無添加味精，無人造色素及無防腐劑，食得放心。

數月前入了一些肉丸，雪櫃現已清零，又去振興肉丸買些雪藏食品作儲備，這次好像多了一些新食品，一於試試。芫茜牛丸$68雖然不算是芫茜控，但也喜歡吃芫茜，可是老公則比較抗拒，所以一定不可買芫茜菜，看到有芫茜牛丸，當然要買來試試。牛丸口感彈牙爽口，有芫茜味但不會太強烈，跟牛肉味配搭得天衣無縫，味道並沒有互相蓋過，所以老公也完全沒有抗拒，還很欣賞呢！仿干貝燒$29金黃圓柱狀的仿干貝燒已經很吸引，吃落很有層次感，咬開後看到原來是有兩層捲起再收邊的，味道充滿淡淡魚肉香味，頗有創意風味

喺朋友介紹試下走咗去大埔買牛丸，原本冇有太大嘅期望，不過係朋友嘅推送之下畀下面。見到價錢直情打咗個突，意見識一般嘅我嚟講真係幾貴，但係食完之後完全覺得值回票價，啲牛丸牛肉味濃之餘仲要多汁，每一粒都有好濃沃嘅牛肉湯汁，令人欲罷不能。

天氣涼咗，第一時間會諗起打邊爐打邊爐除咗靚嘅肉片同蔬菜，丸類都係必備之選不過出面嘅丸類通常未必用好靚嘅材料去整，想食有質素嘅肉丸真係要細心選擇今日就去咗振興度入貨打邊爐呢度選擇都幾多，除咗一般嘅牛丸、豬肉丸等等，仲有水餃、炸魚皮等可以選擇今次揀咗幾款丸，分別係豬骨濃汁貢丸、牛骨清湯牛丸同零添加墨魚丸豬骨濃汁貢丸呢個係我最鐘意嘅肉丸之一，因為佢同一般嘅貢丸好唔同，除咗豬肉味較重，佢咬落仲真係會爆汁，唔同一般貢丸，食落好乾好鞋，呢款真係值得再試牛骨清湯牛丸呢款係我喜歡嘅另一款肉丸，雖然佢未去到貢丸嗰款咁爆汁，但咬落依然juicy同埋牛肉嘅香味確實比一般牛丸濃好多，感覺非常足料零添加墨魚丸唔知係咪因為呢個零添加嘅保證，呢款墨魚丸食落覺得係冇咁咸，冇食完味精係咁飲水嘅感覺，用嚟打邊爐就最好，唔會食到口乾三款肉丸各有特色，我自己就比較喜歡會爆汁嘅肉丸，相信下次打邊爐又要再番嚟入貨

出大埔買嘢，路過很有名既「振興肉丸」，忍唔住入去行下！振興肉丸，最出名當然就係肉丸，款式多到真係擺足幾個大雪櫃 目不暇給！除左款多，重有不同重量可以買，有大大包，有大包，有細包，選擇彈性！不過今時今日，除左肉丸，原來都幾多其他嘢賣有即炸既炸物、凍肉、牛扒、燒賣、火鍋配料、湯底、鴨血，連飲品都有賣我就買左兩包丸返去煮麵，一包係冬蔭公蝦球，一包就麻辣小籠包兩包份量都大約各十粒左右！冬蔭公蝦球，外表爽彈類似魚蛋口感，冬蔭公味以椰奶味較重！麻辣小籠包，很香麻辣味，咬開即時爆汁，好惹味！

今晚打邊爐緊係要落大埔買返啲丸啦😋😋振興個舖位就係街市對面位置超方面加埋大大個橙色招牌好搶眼，一定唔會睇唔到😂😂😂入到舖頭好多人排隊好好生意😂冰櫃放滿各式食品連雞煲、牛扒都有😍係振興買野好舒服啲貨放得好整齊又乾淨價錢牌夠清晰👍🏼另一邊放左好多醬料、湯底入左舖頭一陣都見唔少客人專登黎買調味料應該都係信心保證🤩今次買左三包丸『零添加』墨魚丸同牛骨清湯牛丸係膽😍食過返尋味每次都必買！而豬骨濃汁貢丸就係老公最愛今晚打邊爐食曬你哋😋😋😋

今日去左大埔，見呢排天氣涼涼地，一於決定今晚就打邊爐啦！聽朋友講呢頭有間叫振興肉丸嘅鋪頭好出名，但我就未試過啦，今次就入去買黎試下先。鋪頭食品款式種類非常之多，有選擇困難症嘅我真系好難決定。問番店員，打邊爐必食嘅有墨魚丸、牛骨清湯牛丸以及豬骨濃汁貢丸，於是乎我就買左呢三樣啦～墨魚丸爽口彈牙，口感豐富，咬落去食到粒粒墨魚肉，同平時食到嘅好吾同。牛骨清湯牛丸，加左長時間熬製嘅牛骨湯落去，有濃郁牛肉鮮香，非常juicy。豬骨濃汁貢丸，肉汁鮮甜，香菇味好出，肉質鮮嫩。屋企人食過都覺得好吾錯，叫下次打邊爐一定要再買過😆

今日收工又嚟到呢間大埔嘅老店買肉丸嚟煮麵,記得呢間舖之前淨係買肉丸新鮮製嘅炸魚蛋,炸魚皮等,舖內有工場每日新鮮即造,我想是因為大勢所趨和令客人有多點選擇依家有急凍小食,醬料和其他凍肉賣.豬骨濃汁貢丸啖啖有香濃嘅豬骨湯和香菇味的肉汁,口感彈牙.墨魚丸墨魚丸咬落爽口彈牙,內有粒粒墨魚肉,真材實料.牛骨濃湯牛肉丸呢隻牛丸最特別嘅係佢食落有出街食打邊爐既香濃牛肉味,三款之中我最鐘意就係呢一款,絕對對得起個價錢.

今日難得去開大埔，去朝一朝聖。 估唔到只係賣丸都開到咁大間門市，好多唔同種類既丸同魚製品選擇。 門市有個位睇到佢地既包裝過程，咁樣都幾安心。 最尾行完一圈都係買番至愛既牛肉濃湯牛丸，聽阿姐介紹試埋墨魚丸。 係本店買，包裝有d唔同，不過感覺好似比包裝好靚既多點咁。奶奶拎左黎煮餸，墨丸好彈牙，有鮮味，老爺話覺得好食過牛丸。 我自己都係最愛濃湯爆汁，真係好鮮味。一咬成個口都係濃湯 ，真係除左打邊爐必備之外，有時唔知煮咩就咁烚都正呀 。

上次到朋友屋企打邊爐，食過振興肉丸之後一試難忘，因佢哋嘅肉丸真係非常出色，咬落有肉汁，並非其他肉丸可以媲美，難怪每次經過振興店內非常多人。今次買咗牛丸、貢丸和墨魚丸試。牛骨清湯牛丸牛丸味道做得非常出色，咬一口已經有陣陣嘅牛香味，牛丸中加入了牛筋，令到質感更有咬口，非常彈牙，味道一流，而且有非常多嘅肉汁流出。豬骨濃湯貢丸爆汁系列亦有貢丸，同樣非常好吃，豬肉和脂肪嘅比例剛好，有香濃嘅香菇味，粒粒有咬口，同樣有豐富嘅豬骨湯汁。墨魚丸呢度嘅墨魚丸，零添加，零防腐劑，非常健康。自家製嘅墨魚丸食得出有墨魚嘅鮮甜味，有粒粒墨魚粒，彈牙好食，而且唔會有太多粉團嘅感覺。每粒丸非常大粒，家居常備幾包可以用嚟打邊爐或煮麵食，非常方便。

振興肉丸一向出名，以前都有食過佢地既肉丸今次經過大埔，終於有機會到振興門市行下入到去環境比我想像中大，而且原來仲有好多種唔同款式既丸類，即刻忍唔住入手返幾款返屋企慢慢食墨魚丸意外地出色 爽口彈牙入面真係食到充滿粒粒墨魚而且無平時出面食到嗰種好粉既感覺牛骨清湯牛肉丸一入口就食到好重牛味 肉質都幾結實咬開仲食到好多肉汁 好juicy豬骨濃汁貢丸咬開都係濃濃肉汁 香菇都好足料結實得黎又唔會痴牙，好出色！👍🏻👍🏻👍🏻👍🏻👍🏻

我哋一家人最鍾意就係大埔振興佢呢個燒賣，百食不厭，加入辣油簡直係人間美食，我地長備係屋企既儲糧\我地搬咗出去市區都會久唔久過嚟補貨成日都係好好生意除咗燒賣，我哋都好鍾意佢哋個無添加墨魚丸!真係每一粒都係有墨魚肉!買開嘢都買下其他生產品呀店員姐姐推介牛骨清湯牛肉丸同埋豬骨濃汁貢丸簡簡單單，煮個麵加幾粒丸又一餐!牛骨清湯牛肉丸，有爆汁嘅口感，而且非常之鮮味!成個口腔充滿牛肉嘅濃沃嘅味道!至於豬骨濃汁貢丸，口感彈牙不妨可以試下

與家人到大尾篤踩單車，回程經過大埔，順路買牛丸回家慢慢嘆。門面企理整齊，價錢清晰，肉丸類嘅選擇好多，有燒賣、牛肉丸、魚子丸、麻吉燒、冬陰功味蝦球，連波菜丸都有，很特別創新。之前家人都買過振興肉丸的炸魚皮，非常香脆，新鮮炸。既然牛丸咁出名，當然要是清湯牛肉丸及貢丸，還有家人最喜歡的墨魚丸。回家簡單煮個清湯冬菜米粉。牛肉咬開，肉質爆開，非常濃郁的牛肉味。貢丸有好香嘅冬菇味，與牛丸一樣都是10分出色墨魚丸非常彈牙，一個簡單美味的午餐。

自從上次買過一次振興嘅牛丸之後，屋企人一直話想再食，今次經開呢頭嘅時候又再買多咗幾包試吓。清湯牛丸呢個keep住一貫振興水準，牛丸好有牛味之餘，質地非常爽彈，咬開見到入面有啲窿窿充滿肉汁，肉汁味道冇濃湯牛丸咁濃，非常適合同啲味道較濃嘅湯麵一齊食👍🏻豬骨濃汁貢丸由於係濃汁關係，我唔想同其他濃味嘅嘢疊味，所以就用咗氣炸鍋整嚟食。氣炸後丸嘅表面好煙韌，一啖咬開首先係好濃好濃嘅豬肉味，口感方面同樣係非常爽彈，入面都係有好多肉汁，同坊間好多實的的嘅貢丸好大分別。墨魚丸呢個墨魚丸係我有生以來食過最真材實料嘅墨丸，咬開真係食到有墨魚嘅切片，呢個非常驚喜！質感方面係冇牛丸咁彈，但取而代之嘅係好真實墨魚嘅味道，佢調味比較簡單，我會建議同淡味啲嘅湯一齊食，先可以食得出墨魚丸本身嘅味道。overall試過幾款唔同嘅丸類都係非常出色，雖然價錢係比超市好多其他品牌嘅貴，但佢嘅真材實料係絕對物超所值！