影片
更多
2022-06-16
21 浏览
当日去揾我一个中大嘅朋友玩，我问佢大埔有咩好食嘅，并且几有feel嘅地方可以畀我哋食下嘢倾下计，佢就推荐咗呢间~🎑环境好有feel成个好似去咗大阪咁，一解无得翻乡下嘅思乡之愁，有好多日本海报、旗、灯笼之类，门口都系木门，睇得出花咗好多心思，好适合一堆朋友过嚟食下嘢chill下~❤️烧物🍢生烧牛舌 $40嚟到居酒屋必嗌牛舌是常识吧，呢串牛舌唔厚，但系依然好多汁，调味啱啱好，如果唔系想食更加多唔同款式，我一定嗌多一碟 🥰🍢酱烧猪颈肉 $54呢碟猪颈肉对于火候嘅掌握真系好好，边边烧到金黄色，有啲焦香味，脆脆地，而入面又好有咬口，酱汁亦都好惹味，我朋友话送酒一流~ 🍶🍢脆烧鸡皮 $48鸡皮又系另一个好讲求火候嘅部位，而呢间烧到啱啱好，脆得嚟又唔会油腻，有种薯片嘅感觉，但系更加薄，并且有鸡油𠮶种脂香味 😋但系有个唔好嘅地方系，啲鸡皮痴晒喺支竹签上，要用牙逐片撕落嚟，食相会有啲狼狈 🙃🍱金菇肥牛卷 $48个汁好粘稠，几惹味！🍖明太子手羽先 $45我最中意食鸡翼架喇，无骨嘅鸡翼仲好，可以一啖咬落去，不知几爽，啖啖肉香爆发出嚟，但我哋就唔系好食到明太子嘅味道， 不过依然都几好食~ 😋🍤蟹肉忌廉薯饼 $3
🎑环境
好有feel成个好似去咗大阪咁，一解无得翻乡下嘅思乡之愁，有好多日本海报、旗、灯笼之类，门口都系木门，睇得出花咗好多心思，好适合一堆朋友过嚟食下嘢chill下~
❤️烧物
🍢生烧牛舌 $40
嚟到居酒屋必嗌牛舌是常识吧，呢串牛舌唔厚，但系依然好多汁，调味啱啱好，如果唔系想食更加多唔同款式，我一定嗌多一碟 🥰
🍢酱烧猪颈肉 $54
呢碟猪颈肉对于火候嘅掌握真系好好，边边烧到金黄色，有啲焦香味，脆脆地，而入面又好有咬口，酱汁亦都好惹味，我朋友话送酒一流~ 🍶
🍢脆烧鸡皮 $48
鸡皮又系另一个好讲求火候嘅部位，而呢间烧到啱啱好，脆得嚟又唔会油腻，有种薯片嘅感觉，但系更加薄，并且有鸡油𠮶种脂香味 😋但系有个唔好嘅地方系，啲鸡皮痴晒喺支竹签上，要用牙逐片撕落嚟，食相会有啲狼狈 🙃
🍱金菇肥牛卷 $48
个汁好粘稠，几惹味！
🍖明太子手羽先 $45
我最中意食鸡翼架喇，无骨嘅鸡翼仲好，可以一啖咬落去，不知几爽，啖啖肉香爆发出嚟，但我哋就唔系好食到明太子嘅味道， 不过依然都几好食~ 😋
🍤蟹肉忌廉薯饼 $38
食呢个绝对就要小心啲啦，因为真系好热，啲忌廉系爆出嚟嘅，好正 💕呢个反而蟹肉味几重，脆卜卜嘅炸衣包住一啲软绵绵嘅薯蓉、热辣辣嘅忌廉同一丝丝嘅蟹柳，成件事系将「外脆内软」呢四个字具象化晒出嚟，印象几深刻~ 🤩
❤️海鲜
🍚霸气火炙原条鳗鱼饭 $128
见到个名嘅时候仲喺度谂究竟有几霸气，但系捧上嚟嘅时候，又真系俾佢霸气到，份量极大，应该两个人都食得饱，个鳗鱼系极香嘅，好入味，甜甜地，而上面啲樱花虾同紫菜系起咗个点睛之笔嘅作用， 令个饭无咁单调，十分出色~呢个会话系必嗌嘅！ 😋
🍣芝士烧三文鱼寿司 $32
芝士同三文鱼本身就好夹，三文鱼嘅油脂同芝士嘅咸香好夹，基本上个三文鱼够新鲜，就一定无死，好食！ 😜
🍣牛油果软壳蟹卷 $92
软壳蟹好脆，但系炸物嘅油腻又俾牛油果同蛋黄酱化解晒，配埋一粒粒嘅蟹子，成个口感好多变化，几正嘅，出面个层唔系紫菜，我食唔出系咩里，但系都几特别~🥳
🍣刺身盛盒 $368
呢碟嘢见个卖相都知全部都好新鲜，尤其推荐鲍鱼同虾，新鲜嘅肉质真系一咬落去就知，天然嘅甜味系唔点豉油都可以食得出嘅，虾脆生生，鲍鱼弹牙唔韧，而其他海鲜都好出色，一啲都唔会腥~ 😘
❤️饮品及甜品
🍹粉红西柚梳打&柚子梳打 $28 each
好清爽，酸酸甜甜咁，好解腻
🍰自肥甜品（朱古力蛋糕）$88
一嚟到，我哋都哇咗出声，一大个教主印咗喺糯米纸上面，几有心思，镜粉嚟到一定好开心，而个朱古力蛋糕十分扎实，但系我觉得有啲甜得滞，嗜甜嘅人一定好钟意~ 😉
张贴
