大榮樺

营业中

休息中

今日同朋友打完机见肚饿，问佢有咩好介绍？ 佢就带我落嚟呢间叫大荣桦嘅餐厅。 虽然望落去门面无咩特别，但系啲嘢食真系好有水准，见门口大排长龙。好在唔系等咗好耐，15分钟就有位。餐汤嘅忌廉蘑菇汤，啲蘑菇唔系切得好细粒但好出好鲜味。跟住我哋叫咗个韩式泡菜意粉配西冷牛扒，好好食。啲牛扒用牛油煎香，好淋好好味。但系佢上菜时间就真系耐，我地食完个牛扒set, 第2个set 先上，全部即叫即整，真心高质。跟住朋友叫咗个天妇罗软壳蟹忌廉烟肉意粉。好好食，意粉煮到啱啱熟，配埋啲白汁，见佢食到真系停唔到口。好少见软壳蟹咬开仲有一梳梳嘅蟹肉。但朋友讲呢间餐厅啲嘢食好快沽清，想食就要早啲嚟排。