川莊

营业中

休息中

讲到旺角嘅川菜一定会谂起川庄！地点位于朗豪坊好方便，晚饭时间通常都大排长龙，可想而知有几受欢迎(˶‾᷄ ⁻̫ ‾᷅˵) 招牌水煮牛肉 (例牌 Size 可以拣例牌或者珍宝，例牌大概系两至三个人份量，仲可以拣四款配料，我哋拣咗莴笋条、牛肚、牛柏叶同水晶粉条。水煮牛肉全部都大大块，中辣好够味，系必嗌！ 霸王辣子鸡 一上嚟已经见到成个碟好多辣椒🤣鸡肉份量唔算好多但系都仲保持到肉汁，食嘅时候要小心唔好食到啲辣椒粒！ 翡翠黄金虾球 全部都系邪恶嘅配搭！黄金即系咸蛋黄，虾球炸到脆卜卜，食落好夹，下面嘅系秋葵干，食落嘅质感好得意，系即食嘅秋葵同样都系脆卜卜(˶‾᷄ ⁻̫ ‾᷅˵)