炊豕店 (加路連山道) (已結業)

系铜锣湾次次学车都经过加路连山道依间专食猪排既舖头，次次都坐满哂人无机会试，终于有时间黎试下餐厅环境都系一般小店咁，几企理同女朋友一人叫左一个饭，惊唔够饱仲叫多左个小食（后尾饱到有少少后悔），因为我地两个都叫猪排饭，所以叫左个清淡既豆腐小食豆腐唔错！系硬豆腐再加鲁肉同埋木鱼花，食落豆味几重，清新开胃。女朋友叫左猪排捞面，猪排劲大份同埋葱俾得好爽手，唔似有d餐厅嗌葱油鸡排饭都系得一pat仔葱油。猪排好入味，食得出无用松肉粉"la"过，包系外面既炸浆上得好薄，唔系食落成口粉咁，捞面质地都好干爽、唔会太油太干我就叫左焗猪排饭同样都系咁大份猪排，超级厚，每一口咬落去都好满足到我依个食肉兽医。饭焗得好干身。蕃茄汁唔会死甜、仲有蕃茄既酸甜。而家加埋芝士同蛋，我觉得完胜唔少连锁餐厅既焗猪排饭咁既价钱、咁既份量系铜锣湾黎讲真系算好抵食，难怪日日都咁坐满