活一鮮

营业中

休息中

暑天就系要食凉浸浸嘅嘢，所以嚟到大角咀嘅活一鲜，叫咗个甜虾鱼生饭($75)，朋友就拣咗活寿司套餐($148)🍣估唔到除咗三文鱼，仲有2片油甘鱼同北寄贝，每块鱼生都厚到刺身咁，色泽亦唔错、唔系鱼光满满但绝对唔会暗哑，当食个杂锦刺身都好抵🥰夹起嚟比望落仲厚，三文鱼肉厚实、亦有一定鲜味，油甘鱼就更加唔洗讲，鱼味更浓郁，甜虾亦喺水准之上👍🏻惟一系可以比多啲饭素，因为白饭冇醋味，食起嚟有啲斋，但已经系好抵食嘅丼饭，所以我都好满意😛朋友嘅套餐有12件寿司同2件玉子烧，鱼生食落都好新鲜，油甘鱼同三文鱼继续系首选，海胆军舰亦都够鲜甜，不过佢都觉得丼饭更抵🤣此终大大块鱼生更满足，但寿司盛就可以试多几款鱼生😜另外仲叫咗个柚蜜烧牛脷($58)，有8块薄薄地嘅，表面淋上甜蜜烧汁，但柚子味就真系冇咩🙈牛脷烧得唔错、几弹牙，而且鱼生饭本身系淡淡地，有比较之下会觉得牛肉味更突出😆