鮮芋仙 (Mikiki)

营业中

休息中

呢间糖水铺有好多间分店, 都开左一段长时间, 但今次系我第一次食, 可能有好多人都未必信, 可能本身对芋圆呢类食物冇话太感兴趣, 所以小编都叫左碗白玉汤圆紫米粥, 要成$48, 其实比一般糖水铺既紫米露贵, 黎到就明点解会咁贵, 佢超超超大碗!!! 😳 入面仲要有好多粒白玉汤圆, 即系有一堆面粉, 系食完正餐之后食呢碗糖水真心夸张, 佢额外比左个奶比你, 倒入去个紫米粥口感会滑溜啲。虽然叫做紫米粥, 但唔系好杰, 反而有少少稀, 味道同普通紫米露无分别。小编并唔觉得佢唔好食, 只系唔会有乜野吸引令我下次再黎食, 大碗系大碗, 不过无咁既必要, 价钱就会依然觉得偏贵 😗 仲有我地系出面等左好一阵, 明明攞左位, 后尾黎左四个人, 有人走左个staff竟然比个位呢四个客? 如果唔系出声, 我地就要继续等了, 所以感觉都系有少少差。