鮮芋仙 (Mikiki)

营业中

休息中

呢間鮮芋仙，主打台式甜品同飲品🧋。**紫米小芋圓飲品💜 $42**呢杯紫米小芋圓，紫米💜幾煙韌，小芋圓口感煙韌Q彈，幾好食😋！飲品甜度適中，唔會太甜膩🥰，整體幾清新🥤！份量都幾多，夠晒飽肚。飲完係食唔落飯咁。🌟 **鮮芋仙 (Mikiki)**📍太子道東638號Mikiki G樓G03C號舖________

平時去開 v point分店，食咗好多年嗰間分店要自己出去拎餐, 咁多年都係咁食今次嚟開新蒲崗, 又想食鮮芋仙，第一次幫襯呢間叫咗個期間限定泰奶冰，$78店員呀姐會拎過嚟等咗唔係好耐就見到出餐，店員拎到嚟我哋枱，點知佢放低嗰下整冧咗個冰最頂三份一然之後佢就將個冰收返埋去廚房張枱有啲跌咗出嚟嘅冰碎同糖漿佢都冇抹咁都算啦好快佢已經出返個泰奶冰出嚟比起第一次見到嘅矮咗一大截 (張相喺最底)原來佢哋完全冇intention補返跌咗冇咗嗰part總之跌剩幾多就俾返幾多我哋無言佢再放低個冰嗰陣，我(用比起正常講嘢大聲嘅聲量) 話“吓，就係咁㗎咋? 冇補返㗎？”(隔籬枱嗰啲人都望到，有個呀叔比咗個 “唉你真係黑仔，冇偈啦” 嘅眼神我)店員扮聽唔到，總之擺低咗佢就行開我哋再正面抽擊，直接問佢話“阿姐你咁樣唔補番啲冰俾我哋㗎?”佢先死死氣過嚟收返個冰走入去廚房仲大聲過我哋話，個客話要補返啲冰喎啲態度勁晦氣又唔係廚房做錯嘢又唔係我哋做錯嘢做錯嘢嗰個反而咁晦氣咁臭串我哋真係貼錢買難受呀姐，人無恥便無敵，你叻👍🏻仲有，其實在之後都係補得嗰少少冰比起原本見到個冰都係矮咗3成原本$78有得食，又有得打卡依家個冰又

呢間糖水鋪有好多間分店, 都開左一段長時間, 但今次係我第一次食, 可能有好多人都未必信, 可能本身對芋圓呢類食物冇話太感興趣, 所以小編都叫左碗白玉湯圓紫米粥, 要成$48, 其實比一般糖水鋪既紫米露貴, 黎到就明點解會咁貴, 佢超超超大碗!!! 😳 入面仲要有好多粒白玉湯圓, 即係有一堆麵粉, 係食完正餐之後食呢碗糖水真心誇張, 佢額外比左個奶比你, 倒入去個紫米粥口感會滑溜啲。雖然叫做紫米粥, 但唔係好杰, 反而有少少稀, 味道同普通紫米露無分別。小編並唔覺得佢唔好食, 只係唔會有乜野吸引令我下次再黎食, 大碗係大碗, 不過無咁既必要, 價錢就會依然覺得偏貴 😗 仲有我地係出面等左好一陣, 明明攞左位, 後尾黎左四個人, 有人走左個staff竟然比個位呢四個客? 如果唔係出聲, 我地就要繼續等了, 所以感覺都係有少少差。

大大碗煙韌芋圓-鮮芋仙作為芋圓控😌(其實仲有好多”控”🤣)，嚟到鮮芋仙梗係必叫芋圓啦😗花多眼亂，最後點咗芋圓3號😀入面有紅豆花生珍珠，嚟到一大碗😱😱成碗粥咁🤣估唔到份量咁多，好足料，唔太甜，芋圓煙韌☺️另外叫咗一碗豆腐豆花2號，有地瓜、薏仁，同埋大大碗豆腐，豆漿，好飽肚🤣🤣豆腐，豆漿都好滑啊，又唔會太甜，份量真係好誇張，食到一半已經好飽😅好抵食

呢間餐廳好多分店,同朋友食左呢度出名既芋圓仙草奶凍,勁大碗,夜晚呢度好多人等位,所以要食就要早D拎位,好快就會坐滿晒,紅豆好粉嫩,下面仲有冰底,芋圓大大粒,仲有其他飲品同唔同既冰或者台灣糖水都好吸引,值得一食。

每次來都叫招牌仙草冰沙，因為它實在太好吃了！🍧😋首先，讓我們來談談裡面的芋圓。這些芋圓煙靭有嚼勁，口感十分滿足。🍠接下來是仙草冰沙本身。這款冰沙的甜度掌握得非常恰到好處，不會過於甜膩，反而帶有一絲清爽的感覺。仙草的香氣在口中散開，給人一種舒適和涼爽的感覺。🌱❄️芋圓煙靭，仙草冰沙的口感也非常出色。此外，他們的仙草凍也是絕對不能錯過的美味。它的滑順口感和清涼口味將讓你一試難忘。🍨❤️👍😍

無錯，又係新蒲崗覓食嘅時間。今晚黎到mikiki嘅鮮芋仙。🍧（印象中係深圳食過，香港就第一次）由於只係晚上八點，店內有大排位可以揀，如果想食塵嘅，都可以坐室外。🚬室外位其實好chill, 但係係香港，個位對住已經係馬路，側邊就係馬路工程，真係唔會想坐係到。😵‍💫叫左兩個甜品，無錯，係$88限定芒果巨大刨冰同芋圓4號。刨冰黎到果下，真係震撼，碟野大到。。。未食就已經要諗定一陣間肚痛點算😂😂芒果用嘅係呂宋芒，份量無揸流攤😎刨冰味道整體唔會過甜，夏天食都真係幾爽,不過就要快快手，因為好快就會溶晒～

都幾失望下，買咗兩碗，一碗招牌豆花，一碗花生紅豆豆花。兩碗嘅豆腐花少得可憐，基本上全碗都係豆漿😂😂😂同旺角店冇得比。。。豆花係碎開的，好散好嚡口🥲🥲入面嘅珍珠仲要痴埋幾舊，煮唔熟😵紅豆同花生，得幾粒😂😂😂想分出嚟俾阿媽食，分得三、四粒紅豆俾佢。。。真心，唔會再幫襯。唔知堂食點，但外賣，四十幾蚊買碗豆漿返去，唔值囉P.S. 第一次有衝動要留言，真係估唔到鮮芋仙可以咁低質🥲🥲🥲🥲

食芋頭唔係唔去鮮芋仙呀嘛？新蒲崗Mikiki都開咗一段時間，鮮芋仙晚晚都仲係好多人排隊。今次一行四人，我哋嗌咗凍嘅芋圓4號$48，加杏仁布丁$8布丁奶茶$33小芋圓奶茶$33鮮竽鮮奶茶 $36杏仁布丁🍮$8真係好抵食，又滑又夠凍。唔錯！奶茶類建議大家少糖，因為本身都偏甜。我飲嘅鮮芋鮮奶茶走甜都夠味🤣因為芋泥本身有一定甜度👍🏻🙌🏻芋圓4號就紅豆好足料，加上我哋係叫凍，啲冰半溶化半浸喺本芋圓到好涼爽好好味🤤推薦指數：💛💛💛

想食依間芋圓好耐啦⋯⋯今晚終於夾啱時間食完晚飯🥣再去食呢間甜品😋一心諗住過嚟食芋圓系列佢pre-set左6款,配上唔同配料我地揀左4號 (熱紅豆湯底配芋頭/紅豆/珍珠)本來諗住叫一碗兩個人share (因為都好大碗)但佢設有每人最低消費💲2️⃣5️⃣所以我哋加多咗$4 配冬瓜凍試下味道幾清新, 唔算話好甜, 食完紅豆湯配一舊啱啱好👍🏻講返碗芋圓紅豆湯底有啲似稀少少🤏🏻嘅紅豆沙芋頭有兩大嚿珍珠份量適中, size偏細配料之一嘅紅豆就唔多覺 皆因個底已經係紅豆湯芋圓好出色, 做到好煙韌下次應該再添加😝menu上仲有其他系列例如仙草/豆腐花/牛奶冰等等下次再返嚟試其他🤤🍴

行完Mikki食完晚飯當然食糖水見到鮮芋圓仙草紅豆芋頭珍珠（仙草下面有甜甜沙冰，芋頭好大件）豆漿豆腐花配芋頭芋圓（豆腐花香濃豆味,芋圓煙韌適中）最正是吾太甜，超大碗，基本上 1碗 2人都足夠

就兩個外賣order，我女朋友，20:56分落咗單，足足在門口等咗差不多40分鐘先有，期間店內人不多，咩情況導致要等，都可以同等緊嘅人講聲，去商場行下，或電話通知的。由得人哋企門口食40分鐘西北風，我都叫我女朋友咪要由佢，蝕錢都咪凍親自己。機械式咁同人做生意，無感同我哋，搵個職員理下都無，真係食咗升仙咩？！

2個朋友+我都係嗌芋丸4號，真係好誇張！最愛芋丸4號經過mikki見到有間鮮芋仙趁未夠鐘數食飯肯定要滿足下甜品胃先啦！鍾愛芋丸4號份量超級足，材料都好有口感，冬天食凍野特別爽

在旁邊越秀廣場食飯，想叫糖水食不過大家對酒樓的中式糖水興趣不大，搜尋到Mikiki有芋圓食。來到這裡剛好有位，兩人吃了一碗芋圓仙草，需要自己到收銀櫃位落單。預設是在碗底有冰沙，雖然能選擇的話應該不會選擇，不過撈在一起吃其實味道也不錯，也會帶來一絲涼快的感覺。芋圓比例上份量較少，有點不夠喉，感覺還是深水埗名店的芋圓糖水較好吃

相中右邊個碗仙草味清，紅豆靚，整體不太甜，好味又大碗，有機會再食，常食也成。相中左邊個碗豆漿芋泥就唔得啦，兩個食材勉強放在一起，毫無交流。食物同愛情一樣，無感情，就不浪漫。