彩興來來火鍋 (已結業)

近排将军澳开左好多新食店，天气又突然转凉，所以就黎左呢度打个边炉。上网睇话呢度既黄金鸡锅好正，所以今次就黎试下。我同朋友两个人嗌左半只黄金鸡煲，都够食。佢好得意，因为佢系会即刻系你面前炒，跟住落个鸡汤，再煲热佢。店员建议我地先饮左汤先，再打边炉。个汤真系几唔错，佢无落味精，味道系几清，感觉几养生，d鸡都几香，真系几唔错。饮完汤，就可以叫佢加上汤，就开始打边炉。不过小后悔无饮多几啖就开始打边炉。跟住嗌左好多野食，嗌左美国肥牛，唐生菜，冬瓜片，一渣桔仔冰，粉丝，芝士狮子狗，黄金饺，莲藕片，竹笙。不得不说，个芝士狮子狗真系几唔错，我同朋友都好中意。个桔仔冰都几得意，打边炉配埋一流。样样野食都大大碟大大件，摆盘都唔错。服务都几好，佢会系咁望住你，睇下你系咪无汤，会过黎帮你加汤。