第三站

旺角有好多cafe，尼间cafe除左有board games 玩之外，仲有好多款dinner set同小食，甜品，价钱仲要系中等，要加一。叫左墨西哥香辣肉丸意大利粉($103)，忌廉烟肉野菌长通粉($96)，跟餐加几蚊可以叫特色既饮品，或者加$30变set，有田园沙律，甜品cheesecake，海鲜拼盘($78)。意大利粉面身唔算硬，软硬程度中等，食落口真系辣辣地，香口。配上手打肉丸，中和辣味，仲有菇片，层层口感。长通粉有水准，唔会好"林"，加上有芝士拉丝效果，有惊喜。而且用料多，啖啖都食到有烟肉，菇。酱汁唔腻。2款主菜都好大碟，男仔自己一碟可能都会觉得多。海鲜拼盘有5款炸物，分别有炸蟹钳，炸带子，炸虾，炸鱼柳，薯条，配上沙律酱and蕃茄酱。炸物脆口热辣辣，炸粉薄，薯条粗身又长，good。芝士蛋糕每件$25。蛋糕结实，好重芝士味，食落啖啖蓝莓味，饼底同cheesecake好夹。而特浓朱古力味真系好重朱古力，有层次感，上面个层系酱，中间系朱古力味cheesecake，推介叫朱古力味。饮品方面，有多种养生花茶果茶可以叫。红莓果茶煲完传来阵阵香，饮落先甜后酸酸地，好开胃。塔罗特饮都有好多款，