翠林辣蟹舫

避风塘炒蟹喺香港都系历史悠久嘅代表作，好味夹大件，未必真系有，成日听朋友讲话呢间好味，一直都未有机会试，寻日行过尖沙咀突然间见到佢招牌，个肚又饿到都打鼓，于是胆粗粗去试吓。因为实在太肚饿，两个人叫咗好多嘢食。招牌避风塘炒蟹：一嚟到已经卖相出众，肉蟹非常多肉，佢嘅炸蒜蓉唔会好辣，辣味少少恰到好处，不过有啲咸。紫罗炒牛仔肉：牛肉都好滑，子姜酸酸甜甜咁，几开胃。不过子姜如果多啲就好啦。潮式酸菜鱼：同一般我哋食开嘅酸菜鱼唔同，佢都好酸，同埋有潮州既辣。食神炒饭：伙计话系最出名嘅炒饭，佢有几种米炒埋，真系好好食，同埋健康嘅谷米，食落唔会好肥。黄金虾球：食落去先知系咸蛋黄味，好脆口。饱到顶上心口，整体都唔错。