拉麵台風 (已搬遷) 新店位置

有次来到荃湾，听讲有间「拉面台风」好出名，好多人赞似地道日本拉面，就决定去试下啦。一去到，发现都真系几多人排，心谂: 咁热都咁多人肯等，依间应该真系好嘢嚟！排咗一阵，侍应见外面条龙都唔短，就递上点菜纸，叫大家一路排队一路拣定食咩先，都几好服务嘅。过咗阵之后，就坐咗入近门口嘅位置，望到墙上面有几抢眼嘅日本风壁画，又系开放式厨房，依个时候感觉都仲系唔错。我同朋友叫咗碗最普通嘅「鱼介拉面」同听落有点伏嘅「骨胶原捞面」，谂住一齐share食，睇下呢间拉面店系龙定凤。点知，由侍应放低碗拉面个刹那开始，我就觉得去错咗地方喇。首先入眼帘嘅就系干到柴一般的叉烧，系好大件，但即使块肉系浸系「鱼介拉面」啲汤到，都可以睇得出佢好干，无疑一定出事。一咬落去，果然无意外，真的干得很呢。嚼下嚼下，点解无咩味嘅? 明明义烧沾到望落几浓嘅汤汁，无可能无味架?呷一啖汤汁，又明白了，原来汤都无味。唔系淡味，系真正既无香无味。「骨胶原捞面」相对地就有咸味，但都系唔香。配料有大量叉烧，但都系又干又淡。总括而然，呢间系我地香港食过既日本拉面店之中，属于中下水准。而呢个价钱已经可以食到更好既拉面。