牛極 (通菜街)

营业中

休息中

间唔中都会出旺角做野，呢日就睇下有咩好食，见到有间做石板烧，可以俾客人自己由生牛肉烧到熟，其实呢d乜乜烧最主要卖点都系可以自由控制返食物既生熟程度，而旧肉就来来去去都系𠮶d来货，点都唔会俾到同其他餐厅与别不同既质素你食。因为疫情关系买外卖，但呢d标榜自己一脚踢既餐厅就真系千万以后要避免食佢地既外卖，堂食可能系OK，但外卖好睇得出格硬配合时势先搞。旧肉讲到明几多成熟都系唔会理，厨房自己钟意点整就点整，甚至睇心情全熟上碟。我估本身都唔洗识煮（因为堂食系个客自己煮），所以所谓厨房只需要识切肉。面豉汤不值一提普通野，个沙律只系求其全碗生椰菜丝，最多搭半粒蕃茄仔当恩赐，唔好expect有其他野例如粟米，而舖头入面本来就有自助Bar可以任拎酱汁，但原来外卖时会fix死份量，想多d都唔会俾，我谂佢地期望客人干哽先会品尝到牛既味道。再奉劝大家，千万唔好食呢间外卖浪费钱，坊间大把烧肉店d外卖系一样价钱但质素更好。