更多
2019-01-23
446 浏览
位于湾仔不起眼嘅后巷,日式居酒屋小店门面清新,见餐牌几吸引,价钱唔算贵,人又唔多,就入去试下。坐低谂好食咩,等左一阵,至明白系自助点餐,要自己出去俾钱嗌嘢食,指示并唔起眼。鳗鱼饭好快黎到,鳗鱼大大件,几厚身,油脂分布均匀,入口即融,口感弹牙,可惜鱼尾烧到黑晒,而且近尾位较多尖到好似针仔嘅鱼骨;白饭上面铺左适量嘅日本饭素;沙律不过不失。鸡肉鸟冬锅等左半个钟至到,仲要极普通完全冇技巧可言,同自己喺屋企煮嘅水平相若,严重扣分!!!汤底系典型港式伪日本汤,得个咸字,味道肤浅;乌冬表面上系高档扁身手打乌冬,但一咬落去立即现形,淋过超市当当乌冬;配菜煮到淋晒冇晒本身味道;鸡肉白烚;翠玉瓜苦到要吐返出黎!!!跟餐热柚子蜜劲细杯,放左少少柚子蜜糖入杯后就咁加左热水就拎俾个客,搅都懒得搅,又唔提供搅搅棒,杯嘢根本饮唔到味原本高高兴兴支持下小店,食完终于明点解咁少客。收呢个价钱仲要等咁耐又唔好食......唔会再去了
坐低谂好食咩,等左一阵,至明白系自助点餐,要自己出去俾钱嗌嘢食,指示并唔起眼。
鳗鱼饭好快黎到,鳗鱼大大件,几厚身,油脂分布均匀,入口即融,口感弹牙,可惜鱼尾烧到黑晒,而且近尾位较多尖到好似针仔嘅鱼骨;白饭上面铺左适量嘅日本饭素;沙律不过不失。
鸡肉鸟冬锅等左半个钟至到,仲要极普通完全冇技巧可言,同自己喺屋企煮嘅水平相若,严重扣分!!!汤底系典型港式伪日本汤,得个咸字,味道肤浅;乌冬表面上系高档扁身手打乌冬,但一咬落去立即现形,淋过超市当当乌冬;配菜煮到淋晒冇晒本身味道;鸡肉白烚;翠玉瓜苦到要吐返出黎!!!
跟餐热柚子蜜劲细杯,放左少少柚子蜜糖入杯后就咁加左热水就拎俾个客,搅都懒得搅,又唔提供搅搅棒,杯嘢根本饮唔到味
原本高高兴兴支持下小店,食完终于明点解咁少客。收呢个价钱仲要等咁耐又唔好食......唔会再去了
张贴