薈潮軒

营业中

休息中

之前都介绍过潮州菜俾大家，不过呢间有啲特别，佢嘅鹅肠同鹅肝都做得好出色！佢仲有水瓜烙，系我最爱食嘅潮州Dish!! 同埋最紧要嘅系佢中午系有得食潮式点心㗎！好想试佢嘅芋丝春卷😍▪️鹅肠鹅肝鹅肉三拼 鹅肠处理得好好！好爽口好食！鹅肝浸咗啲卤水汁好入味！唔似食紧中餐咁！鹅肉正常发挥都几Juicy。▪️新鲜大墨鱼墨鱼口感唔错，食得出好新鲜。个底配有豆腐，豆腐几香都好食！不过略嫌佢嘅卤水汁有啲油，豆腐吸晒啲油，搞到有啲guilty 😂▪️香煎水瓜烙平时我真系好钟意食水瓜烙，呢间整得唔错，有虾有花生粒有菜脯，好足料！略嫌煎得油咗少少🤏🏻。▪️咸柠檬炖鸭汤饮落去好舒服，咁啱转天气好适合饮吓润吓喉！呢个几特别唔错！▪️清心丸绿豆爽最后嘅甜品系送嘅，清心丸好食烟烟韧韧，绿豆爽唔会好甜，食落去口感煮得啱啱好！总括嚟讲呢间餐厅都值得一试，见到厨师都系老师傅，而且当日晚上去嘅都系一啲老顾客，应该系佢哋新搬咗过嚟，佢哋过嚟捧场！边间餐厅都好适合带啲长辈过嚟食，佢哋应该都会几钟意，几啱佢哋口味！