元朗冰室

营业中

休息中

呢间元朗冰室喺太子，特餐由朝早十一点开始供应，可以自由配搭𩠌，加三蚊多一款，唔惊唔够饱！除咗必备嘅沙嗲牛肉雪菜肉丝等等，加十蚊仲有厚猪扒。既然sell自己系厚猪扒专门店，当然要试吓佢哋猪扒。个猪扒虽然望落唔大旧，但的确比平时食𠮶啲厚，切开已经见到好多肉汁，个皮煎得好香脆，啲肉好滑、唔韧，果然系好好食。至于个面，份量都几多，用大碗装，沙嗲牛肉同雪菜肉丝都好多，仲有两旧午餐肉。平时食呢类餐好怕唔够饱，食呢一个绝对唔会。特餐当然唔少得个包同蛋啦，个包加咗蒜蓉焗，好脆；炒蛋好滑。除咗常餐，见到全日早餐都好多人食，下次再嚟可以试吓。