大蔵季節料理 (已結業)

试过大蔵的Omakase系非常物有所值，今日特别再嚟睇下这里晏昼又如何。见到餐牌午餐选择都唔少，寿司刺身类有7款、其他熟食定食更有成11款！除左特上寿司定食，平时我最喜欢食杂锦鱼生饭，这里提供的是火炙杂锦鱼生饭，真系未试过，决定一试。前菜、沙律、蒸蛋当然唔少得！不得不提个麻酱大蕃茄非常清新鲜甜，好好味，蒸蛋够滑，唔错。火炙杂锦鱼生饭，有五款不同嘅鱼、墨鱼、带子同大虾！其实火炙都只系在表面烧一烧，鱼生向饭的一面仍然是生的，师傅将鱼切得厚厚的，同时食到鱼生同火炙既滋味，鱼身保持嫩滑，每一口都有两种享受。带子非常肥美新鲜，火炙一面有烧焦香味，另一面则很Creamy，一丁点腥味都没有。大虾更有趣，经火一烧，虾味变得相当浓郁，味道有啲似龙虾，好正！寿司饭加入少少紫菜丝，饭软梗适中，整体配合唔错！