影片
更多
2021-07-17
66 浏览
7月完全冇假期，为左要好好奖励自己，就去咗食Omakase。次次去食Omakase都会觉得战战兢兢，因为连自己准备食咩都唔知，所以餐厅嘅质素就分外重要。今日去呢间鮨逸，食材系由日本买手新鲜运到，亦会因应最当造嘅食材不定期更新餐单，所以就选择系度叫一个有25道菜嘅set。为咗配合美食，特别叫咗支天之户纯米大吟酿，属于龟之尾种，而且系夏天特别版，饮落去味道较轻爽，有一阵淡淡嘅甜味。作为开场嘅系北海道白肉粟米，食落清甜。水母刺身，配合柚子酱油，酸酸地得嚟爽口，仲有海带带出唔同层次嘅口感，非常开胃。再嚟系用海胆打成嘅海胆豆腐，上面系马粪海胆同德国黑鱼子酱，食落有阵阵咸香味同浓郁海胆味，适合用嚟送酒。千草县真鲷鱼同昆布，配上柚子酱同装饰用嘅食用紫苏花，昆布腌左一晚非常入味，鱼身食落柔软带少少酸。矶边烧带子，加咗少少七味粉， 用紫菜包起手食，新鲜得嚟有焦香味。北海道活水八爪鱼，上面放咗酸酸甜甜嘅土佐醋啫喱 ，中间系八爪鱼嘅吸盘，咬落好爽口，侧边八爪鱼身则烟烟韧韧。千草县嘅炸真鲷白子，口感有小小似豆腐，再食鲜味好重，反而有啲似蚝，而且少少咸，适合送酒。油甘鱼鱼腩，只系熟成咗3日，所以仲系好滑，加咗柚
次次去食Omakase都会觉得战战兢兢，因为连自己准备食咩都唔知，所以餐厅嘅质素就分外重要。今日去呢间鮨逸，食材系由日本买手新鲜运到，亦会因应最当造嘅食材不定期更新餐单，所以就选择系度叫一个有25道菜嘅set。
天之户纯米大吟酿
7 浏览
0 赞好
0 留言
为咗配合美食，特别叫咗支天之户纯米大吟酿，属于龟之尾种，而且系夏天特别版，饮落去味道较轻爽，有一阵淡淡嘅甜味。
作为开场嘅系北海道白肉粟米，食落清甜。
水母刺身，配合柚子酱油，酸酸地得嚟爽口，仲有海带带出唔同层次嘅口感，非常开胃。
再嚟系用海胆打成嘅海胆豆腐，上面系马粪海胆同德国黑鱼子酱，食落有阵阵咸香味同浓郁海胆味，适合用嚟送酒。
千草县真鲷鱼同昆布，配上柚子酱同装饰用嘅食用紫苏花，昆布腌左一晚非常入味，鱼身食落柔软带少少酸。
矶边烧带子，加咗少少七味粉， 用紫菜包起手食，新鲜得嚟有焦香味。
北海道活水八爪鱼
6 浏览
0 赞好
0 留言
北海道活水八爪鱼，上面放咗酸酸甜甜嘅土佐醋啫喱 ，中间系八爪鱼嘅吸盘，咬落好爽口，侧边八爪鱼身则烟烟韧韧。
千草县嘅炸真鲷白子，口感有小小似豆腐，再食鲜味好重，反而有啲似蚝，而且少少咸，适合送酒。
油甘鱼鱼腩，只系熟成咗3日，所以仲系好滑，加咗柚子胡椒，少少酸而辛口，油甘鱼油脂感重，入口即溶。
活北寄贝寿司，少少爽口，已加wasabi、酱油、青柠调味。
金目鲷寿司，肉身厚而肥美，轻轻烧过鱼皮，带出鱼嘅香味。
寿司之后转食汤叶刺身（新鲜腐皮）配三文鱼子酱， 第一次试，豆味好重带少少甘甜。
爱知县白见贝象拔蚌，食落厚肉爽口，而且非常鲜甜。
北海道牡丹虾刺身
23 浏览
0 赞好
0 留言
北海道牡丹虾刺身，上面放咗虾籽同虾膏，虾籽鲜味、虾膏咸香味、虾肉甜味互相完美配合。
日本米崎生蚝
11 浏览
0 赞好
0 留言
日本米崎生蚝，净系size已经不得了，有半只手掌咁大，成只生蚝胀卜卜，鲜甜多汁得嚟带有海水味。
太刀鱼，上面摆咗少少炸蒜，以豉油煮嘅鱼软身入味。
冲绳花竹虾（青海老），原来系隔离鱼缸新鲜捞起，只系一成熟，保持鲜味之余啱啱好带出虾味。
北海道喜知次，属于最贵价鱼之一，食落去软熟甜美。
岩手县原只紫海胆
1 浏览
0 赞好
0 留言
岩手县原只紫海胆，上面放咗三文鱼子钓味，再用咗酱油腌制，海胆又滑又鲜甜。
北海道粒背响螺，非常清爽有咬口。
矶煮鲍鱼，上面搽咗贝蟹膏，鲍鱼慢煮咗4小时，好稔身易咬，蟹膏蟹味亦好浓。
然后就系福冈甘鲷松笠烧，鱼鳞烧至脆身，食落上脆下稔，鱼嘅油份重，肉质结实。
之后转食吞拿鱼，拖罗寿司上面摆咗少少日本大葱，好香葱味，咬落去啖啖甘甜脂肪，入口即溶。
吞拿鱼酱油渍，鱼肉肥美厚身，酱油味重，感觉有少少似黑毛猪火腿。
北海道白海胆， 海胆入面属最高级别，比马粪海胆清甜， 配合炸海带中和口感。
来到晚餐嘅尾声，有玉子布甸，蛋味浓厚，好似真布甸有上下层口感，又滑又甜。
最后系舞茸菇真鲷清汤，饮落去清清地咁，但系有淡淡鱼肉嘅鲜甜味 。
甜品餐厅就安排咗水玄饼，配合黑糖食，清一清个口。
张贴
