影片
更多
2024-07-03
2006 浏览
每月一次嘅拍拖日～今次去咗彩羽寿司家SUSHI IROHA食omakase，呢个omakase性价比好高，而且有齐好多打卡菜式，连东京七龙珠卷都有，所以真心食得好开心！餐厅供应两款套餐，分别为「葵」（$480/pp）及「椿」（$880/pp，Openrice订位有85折），由于后者先有刨冰及多款餐厅招牌，所以就点咗「椿」啦。套餐有前菜2款、日式蒸蛋、刺身4款、串烧5串／和牛寿喜烧、寿司6件、吸物及雪花刨冰，款式好多元化。先送上香脆可口嘅鳕鱼片。蘸上蛋黄酱，配酒一流。黑梅贝、北海道白粟米、水蕃茄黑梅贝新鲜爽弹，海水味浓，白粟米香甜多汁，水蕃茄糖度高！非常清新开胃嘅前菜。刺身真蚝新鲜肥美，配搭黑松露酸汁，巧妙地平衡海水味嘅浓重。真鲷肉质细致弹性，入口甘甜，青柠丝令味道更加清新讨喜富士山木三文鱼一打开盖就闻到富士山木嘅烟熏香，肥美嘅三文鱼同刁草系最佳拍档。𩽾𩾌鱼肝泡芙早几个月喺一间预约困难店嘅omakase食过𩽾𩾌鱼肝泡芙，估唔到呢度都有得食！泡芙内系软滑creamy嘅𩽾𩾌鱼肝酱，脂香十足，不过外皮就可能摆耐咗，所以就唔够脆口。日式蒸蛋口感嫩滑，有菇菌、蚬、带子等，材料丰富。接下来就系寿司环
餐厅供应两款套餐，分别为「葵」（$480/pp）及「椿」（$880/pp，Openrice订位有85折），由于后者先有刨冰及多款餐厅招牌，所以就点咗「椿」啦。套餐有前菜2款、日式蒸蛋、刺身4款、串烧5串／和牛寿喜烧、寿司6件、吸物及雪花刨冰，款式好多元化。
先送上香脆可口嘅鳕鱼片。蘸上蛋黄酱，配酒一流。
黑梅贝、北海道白粟米、水蕃茄
黑梅贝新鲜爽弹，海水味浓，白粟米香甜多汁，水蕃茄糖度高！非常清新开胃嘅前菜。
刺身
真蚝新鲜肥美，配搭黑松露酸汁，巧妙地平衡海水味嘅浓重。
真鲷肉质细致弹性，入口甘甜，青柠丝令味道更加清新讨喜
富士山木三文鱼
一打开盖就闻到富士山木嘅烟熏香，肥美嘅三文鱼同刁草系最佳拍档。
𩽾𩾌鱼肝泡芙
早几个月喺一间预约困难店嘅omakase食过𩽾𩾌鱼肝泡芙，估唔到呢度都有得食！泡芙内系软滑creamy嘅𩽾𩾌鱼肝酱，脂香十足，不过外皮就可能摆耐咗，所以就唔够脆口。
日式蒸蛋口感嫩滑，有菇菌、蚬、带子等，材料丰富。
接下来就系寿司环节啦！
带子
带子鲜甜厚肉，青柠汁增添一抹清新。
沙甸鱼
鱼味好浓郁！
昆布海胆
海胆色泽金黄，甜度唔算高，但没有腥味，铺上薄薄嘅昆布渍系好有心思嘅配搭，可以提升海胆嘅鲜味。
酱油渍拖罗
拖罗油脂分布平均，入口即溶。
炭烧竹签鱼
肉质爽甜，略带嚼劲，越嚼越有鱼味。
彩羽太卷（+$250）
一场来到，当然唔可以错过呢个餐厅名物啦！东京都食过呢个打卡嘅七龙珠卷，而家喺彩羽都揾到啦，不过就变咗六龙珠，哈哈！太卷卖相吸引，脆口嘅紫菜包住酱油渍蛋黄、海胆、拖罗、赤身及青瓜，一啖咬落去味道丰富。食过日版嘅我哋都觉得呢个版本其实同日本差唔多！
寿喜烧 / 串烧
可以拣寿喜烧或串烧，我哋各点一个share食：
和牛寿喜烧
和牛油脂密布，轻轻一煮，入口即溶。豆腐、冬菇、甘菇、秋葵等蔬菜都好惹味。
串烧拼盘
有大虾、青椒仔、冬菇、鸡翼、猪腩肉。呢度嘅火候控制得恰到好处，唔会烧得太干。
鱼汤
熬至奶白色，味道超级鲜甜
刨冰
甜品好特别，系omakase少见嘅雪花刨冰！
餐厅好重本地购入大型复古风日式刨冰机，用上京都贯目冰，席前即场制作。刨冰质感丝滑细腻，毫无冰感。款式选择都好多，可以自己挑选喜欢嘅口味。
我拣咗黑糖水信玄饼蕨饼味，上中下层都有黑糖浆，食到底都有味，不过就有D失望只有面头嘅黄豆粉，如果真系摆几件蕨饼，就更加满足啦！老公拣咗水蜜桃味，则配搭新鲜水蜜桃浆，味道天然香甜，面头仲有creamy嘅奶盖及新鲜日本白桃肉，个人更加推荐呢款！
整体食物类型好丰富，有多道打卡名物，食得开心又满足。不过当日就人手不足，师傅一人招呼8人，做到马不停蹄，变咗互动唔算多，不过都非常体谅！同埋食紧热食嘅时候，就突然开始寿司环节，感觉都有d赶，如果可以调节返个节奏就更好啦！
PS. 经Openrice 订位「椿」有85折优惠!
张贴
