牛響度麵館 (Aeon Style)

营业中

休息中

红磡AEON Food Court有间主打牛嘅面馆，除咗有汤面拌面等亦有饭类供应，下午茶更可用优惠价加配小食，性价比甚高。若想外卖返屋企嘅话旁边亦有预先分配好嘅外卖餐，老少咸宜。萝卜牛筋腩份量十足，跟饭嘅话会分开上，十分贴心。牛筋软嫩，牛腩大块，萝卜吸满汤汁，配饭一流。小食方面有黄金鸡球，外层够薄，啖啖肉好滋味、牛骨汤牛味出，无味精，值得饮。热拌面采用刀削面，每日新鲜香港制造，咬落Q弹可口，私心推介。上面会搭配溏心蛋、青瓜丝、油葱酥、葱花同芫荽，拌埋一齐令到口感更丰富。刀削面有三款调味选择，个人喜欢葱油口味，又香又唔腻。而配料方面都有几多选择，慢煮手撕鸡超嫩，越食越上瘾、粟米豚肉云吞都唔错，内馅足，一口一粒方便食用，各有千秋。