雲南啊老表黑山羊湯鍋米綫 (已搬遷) 新店位置

出左佐敦做FACIAL, 做完落了妆红印满睑又要医肚,只好急急脚买回家食好了。行过见到好多街坊帮衬, 价钱都好抵食,  打电话问阿妈洗唔洗买佢份,咁我就买碗猪骨汤锅猪展米线比自己啦, 再加小食2个人SHARE好了。餐单上食物比较局限, 米线分左大细SIZE, 妈妈就要左大牛腩先42蚊。拎返屋企打开见到, 心想洗唔洗咁大碗呀? 唔怪之得抽住外卖咁重啦, 我以为系汤重, 其实入面米线份量都好多。米线煮到熟透好滑, 个猪骨汤都好清, 加埋酸菜就系简单又好味。猪展每片都几厚身同多肉架，连皮有弹形有骨胶原, 夹了阿妈D牛腩交换食, 肉又煮得好腍身, 牛肉味都几出。口水鸡同拍青瓜好香口, 辣辣地沉在米线中当做加料。口水鸡鸡皮弹鸡肉又结实, 个辣酱先系滋味所在, 麻味停系舌尖越食就越起劲。拍青瓜爽口开胃有阵豉油香, 系咸咸地, 食下小食配在米线一起, 我竟然将接近两人份架大碗米线食晒。食左咁多野阿妈问用了几钱, 我话百来元乍, 平日精明悭家架佢都话抵, 话下次出开去买一碗大两人分加小食就够啦。