影片
更多
2011-07-03
661 浏览
一班教会朋友，今期又想转转口味，唔晌太子食，走咗去远啲近旺角嘅八方云集食锅贴，因为地方细细又枱逼逼，唔方便叫埋一齐食，所以各有各叫，各叫各食。睇咗一轮，扑锤点10号餐，有细份嘅大肠蚵仔面线，搭黄金咖喱锅贴，饮豆浆，盛惠$29。大肠蚵仔面线虽然叫做细份，但都唔系嘢少，况且食面线系连汤饮，好似食碗仔翅咁，所以一个细份大肠蚵仔面线都几够饱肚，再者，个面线都算足料啦，无话得𠮶一粒半旧蚵仔大肠。面线煮得OK，唔会太过烂太过糊；大肠嘅处理都可以，至少清洗干净无朕怪味先，卤水都颇为入味；而蚵仔都几大粒饱满又完整，鲜味就一般，整体嚟讲，算系唔错㖞。因为小弟唔好辣，所以无加啲辣菜脯，否则可能仲好味。黄金咖喱锅贴嚟八方云集，锅贴系我嘅铁胆，依次想食得醒神啲，所以拣以咖喱猪肉做馅嘅黄金咖喱锅贴。食过好几次八方云集嘅锅贴，水准都保持到，今次亦唔例外，锅贴皮够薄，咬落唔会一口厚粉，煎得底脆香口，如果控制到煎得无咁油就仲正；咖喱猪肉调味得唔错，咖喱虽唔及印度、泰国嘅咖喱多层次嘅香，但都唔系无个性嘅死辣，而且辣度属中和，叫做啱我口味！晌太子、旺角区，$29食餐晏，有时快餐店都唔得啦，加上八方云集晌味道嘅稳定性上都无
大肠蚵仔面线虽然叫做细份，但都唔系嘢少，况且食面线系连汤饮，好似食碗仔翅咁，所以一个细份大肠蚵仔面线都几够饱肚，再者，个面线都算足料啦，无话得𠮶一粒半旧蚵仔大肠。面线煮得OK，唔会太过烂太过糊；大肠嘅处理都可以，至少清洗干净无朕怪味先，卤水都颇为入味；而蚵仔都几大粒饱满又完整，鲜味就一般，整体嚟讲，算系唔错㖞。因为小弟唔好辣，所以无加啲辣菜脯，否则可能仲好味。
黄金咖喱锅贴嚟八方云集，锅贴系我嘅铁胆，依次想食得醒神啲，所以拣以咖喱猪肉做馅嘅黄金咖喱锅贴。食过好几次八方云集嘅锅贴，水准都保持到，今次亦唔例外，锅贴皮够薄，咬落唔会一口厚粉，煎得底脆香口，如果控制到煎得无咁油就仲正；咖喱猪肉调味得唔错，咖喱虽唔及印度、泰国嘅咖喱多层次嘅香，但都唔系无个性嘅死辣，而且辣度属中和，叫做啱我口味！
晌太子、旺角区，$29食餐晏，有时快餐店都唔得啦，加上八方云集晌味道嘅稳定性上都无话大起大跌，所以，如果唔系一定要试新嘢或要食得好好，佢都算食得过嘅小店！
张贴
