影片
更多
2022-09-01
213 浏览
🚩After Eightys豉油街依边多嘢食就一向都知㗎啦，喺正路口位有间新式嘅咖啡店吸引咗我入嚟🥹唔知依间餐厅同香港剑击选手有冇关系，入面好多大海报都系佢哋相关嘅报道😆果然好撑本地运动员〰️〰️〰️〰️〰️〰️〰️〰️〰️〰️〰️〰️〰️〰️〰️🌈 餐汤 - 杂菜汤未到就偏清淡，唔似罗宋汤咁浓蕃茄味，不过就真系好多杂菜，仲有好多我最钟意嘅磨菇！夏天饮番啲汤都几正嫁🌈沙律比我想像中有诚意㖞！有两片大嘅Parma ham，沙律入面仲有啲谷物同埋蓝莓😍佢嘅菜都好新鲜, 唔会黑黑霉霉🌈牛柳阔条面 $178牛柳总共有5薄片，大约系五成熟，如果唔食得生嘅朋友可能要叫佢地煎熟啲🥹不过不得不赞嘅系佢嘅肉质好淋，牛味都尚算浓郁！阔条面超级挂汁，酱汁忌廉味较重，不过胜在佢落咗啲蕃茄中和返，令到成件事唔会济🌈烟三文鱼明太子意粉 $128永远都唔会输嘅意粉😍三文鱼有两大偏，明太子味都足够浓郁～而且佢嘅意粉超级多，压到实一实‼️不过如果再多啲酱汁就好啦，食到最尾会有少少干🌈 Tirimisu 黑糖麻糬窝夫并gelato $72之前都未食过麻薯窝夫，今次第一次食🤤 Tiramisu同窝夫我都好钟意食，依家一个甜品可以食匀两只味，超级有新意～食
豉油街依边多嘢食就一向都知㗎啦，喺正路口位有间新式嘅咖啡店吸引咗我入嚟🥹唔知依间餐厅同香港剑击选手有冇关系，入面好多大海报都系佢哋相关嘅报道😆果然好撑本地运动员
〰️〰️〰️〰️〰️〰️〰️〰️〰️〰️〰️〰️〰️〰️〰️
🌈 餐汤 - 杂菜汤
未到就偏清淡，唔似罗宋汤咁浓蕃茄味，不过就真系好多杂菜，仲有好多我最钟意嘅磨菇！夏天饮番啲汤都几正嫁
🌈沙律
比我想像中有诚意㖞！有两片大嘅Parma ham，沙律入面仲有啲谷物同埋蓝莓😍佢嘅菜都好新鲜, 唔会黑黑霉霉
🌈牛柳阔条面 $178
牛柳总共有5薄片，大约系五成熟，如果唔食得生嘅朋友可能要叫佢地煎熟啲🥹不过不得不赞嘅系佢嘅肉质好淋，牛味都尚算浓郁！阔条面超级挂汁，酱汁忌廉味较重，不过胜在佢落咗啲蕃茄中和返，令到成件事唔会济
🌈烟三文鱼明太子意粉 $128
永远都唔会输嘅意粉😍三文鱼有两大偏，明太子味都足够浓郁～而且佢嘅意粉超级多，压到实一实‼️不过如果再多啲酱汁就好啦，食到最尾会有少少干
🌈 Tirimisu 黑糖麻糬窝夫并gelato $72
之前都未食过麻薯窝夫，今次第一次食🤤 Tiramisu同窝夫我都好钟意食，依家一个甜品可以食匀两只味，超级有新意～食之前要谂啲Espresso落窝夫上面，窝夫亦都好快吸晒啲汁，所以佢哋嘅咖啡味超级浓郁～甜品整体嘅甜度唔高，啱晒想食又惊肥嘅人！
🌈牛油果乳酪沙冰 $48
平时早餐我都成日饮牛油果鲜奶，今次佢进化咗系牛油果加乳酪，感觉超级健康！好钟意佢加咗好多谷物喺面头，好似食紧Starbucks个乳酪杯咁，饮完都几饱肚
🌈杂莓乳酪沙冰 $48
一上枱有惊艳到我～超大杯而且用料好实在，好多蓝莓同埋谷物脆脆喺面头，沙冰本身都打得好绵，杂莓味都好浓郁，绝对唔似糖浆沟出嚟𠮶啲
#Kyla旺角 #Kyla西餐
〰️〰️〰️〰️〰️〰️〰️〰️〰️〰️〰️〰️
🥢地址：旺角豉油街27号地舖
🌟推荐指数：8/10
张贴
