影片
更多
2022-09-01
217 浏览
🚩After Eightys豉油街依邊多嘢食就一向都知㗎啦，喺正路口位有間新式嘅咖啡店吸引咗我入嚟🥹唔知依間餐廳同香港劍擊選手有冇關係，入面好多大海報都係佢哋相關嘅報道😆果然好撐本地運動員〰️〰️〰️〰️〰️〰️〰️〰️〰️〰️〰️〰️〰️〰️〰️🌈 餐湯 - 雜菜湯未到就偏清淡，唔似羅宋湯咁濃蕃茄味，不過就真係好多雜菜，仲有好多我最鍾意嘅磨菇！夏天飲番啲湯都幾正嫁🌈沙律比我想像中有誠意喎！有兩片大嘅Parma ham，沙律入面仲有啲穀物同埋藍莓😍佢嘅菜都好新鮮, 唔會黑黑霉霉🌈牛柳闊條麵 $178牛柳總共有5薄片，大約係五成熟，如果唔食得生嘅朋友可能要叫佢地煎熟啲🥹不過不得不讚嘅係佢嘅肉質好淋，牛味都尚算濃郁！闊條麵超級掛汁，醬汁忌廉味較重，不過勝在佢落咗啲蕃茄中和返，令到成件事唔會濟🌈煙三文魚明太子意粉 $128永遠都唔會輸嘅意粉😍三文魚有兩大偏，明太子味都足夠濃郁～而且佢嘅意粉超級多，壓到實一實‼️不過如果再多啲醬汁就好啦，食到最尾會有少少乾🌈 Tirimisu 黑糖麻糬窩夫併gelato $72之前都未食過麻薯窩夫，今次第一次食🤤 Tiramisu同窩夫我都好鍾意食，依家一個甜品可以食勻兩隻味，超級有新意～食
豉油街依邊多嘢食就一向都知㗎啦，喺正路口位有間新式嘅咖啡店吸引咗我入嚟🥹唔知依間餐廳同香港劍擊選手有冇關係，入面好多大海報都係佢哋相關嘅報道😆果然好撐本地運動員
〰️〰️〰️〰️〰️〰️〰️〰️〰️〰️〰️〰️〰️〰️〰️
🌈 餐湯 - 雜菜湯
未到就偏清淡，唔似羅宋湯咁濃蕃茄味，不過就真係好多雜菜，仲有好多我最鍾意嘅磨菇！夏天飲番啲湯都幾正嫁
🌈沙律
比我想像中有誠意喎！有兩片大嘅Parma ham，沙律入面仲有啲穀物同埋藍莓😍佢嘅菜都好新鮮, 唔會黑黑霉霉
🌈牛柳闊條麵 $178
牛柳總共有5薄片，大約係五成熟，如果唔食得生嘅朋友可能要叫佢地煎熟啲🥹不過不得不讚嘅係佢嘅肉質好淋，牛味都尚算濃郁！闊條麵超級掛汁，醬汁忌廉味較重，不過勝在佢落咗啲蕃茄中和返，令到成件事唔會濟
🌈煙三文魚明太子意粉 $128
永遠都唔會輸嘅意粉😍三文魚有兩大偏，明太子味都足夠濃郁～而且佢嘅意粉超級多，壓到實一實‼️不過如果再多啲醬汁就好啦，食到最尾會有少少乾
🌈 Tirimisu 黑糖麻糬窩夫併gelato $72
之前都未食過麻薯窩夫，今次第一次食🤤 Tiramisu同窩夫我都好鍾意食，依家一個甜品可以食勻兩隻味，超級有新意～食之前要諗啲Espresso落窩夫上面，窩夫亦都好快吸晒啲汁，所以佢哋嘅咖啡味超級濃郁～甜品整體嘅甜度唔高，啱晒想食又驚肥嘅人！
🌈牛油果乳酪沙冰 $48
平時早餐我都成日飲牛油果鮮奶，今次佢進化咗係牛油果加乳酪，感覺超級健康！好鍾意佢加咗好多穀物喺面頭，好似食緊Starbucks個乳酪杯咁，飲完都幾飽肚
🌈雜莓乳酪沙冰 $48
一上枱有驚艷到我～超大杯而且用料好實在，好多藍莓同埋穀物脆脆喺面頭，沙冰本身都打得好綿，雜莓味都好濃郁，絕對唔似糖漿溝出嚟嗰啲
#Kyla旺角 #Kyla西餐
〰️〰️〰️〰️〰️〰️〰️〰️〰️〰️〰️〰️
🥢地址：旺角豉油街27號地舖
🌟推薦指數：8/10
张贴
