RuRu Tapas Restaurant (已結業)

喺大角咀美食天堂林立，云云餐厅当中， 有一间充满著浓厚圣诞气氛同装饰嘅西班牙餐厅， 店员超有礼貌，隔住口罩都感觉到佢哋嘅笑容， 亲切有礼地将一碟碟新鲜热辣辣香喷喷嘅𩠌菜𩠌上嚟台面， 加上佢哋舒服柔软嘅真皮梳化，好似去咗五星级酒店食嘢一样 🥔 西班牙炸薯仔独特秘制嘅西班牙酱， 配合埋沙律酱，每一粒炸薯仔都有著热辣辣香酥味， 而每一粒薯仔里面嘅肉都好新鲜，唔会淋晒 🐮慢煮和牛面配薯蓉和牛本身香软， 而且佢系和牛嘅面颊，再加上用慢煮嘅方式， 真系特别淋， 多肉汁之余，又有和牛油香， 薯蓉亦都吸收咗和牛嘅精华， 软绵绵，香喷喷， 仲有其他配菜，例如红萝卜，西兰花，真系色香味俱全 🥛 意大利奶冻香滑creamy嘅意大利奶冻， 外表高贵，内里甜到滑溜， 奶味香浓